" အလင်းသစ်ကို မွေးဖွားခြင်း "

 

   သူ့ကိုမွေးဖွားဘို့အတွက် ကျွန်ုပ်အနေဖြင့် ဆယ့်သုံးနှစ်ကြာအောင် ရင်ဝယ်သန္ဓေ လွယ်ခဲ့ရသည်၊ သူက အတော်လေးကို ကြာအောင်မွေးယူရသည်၊ အဲဒီလိုကြာရ တဲ့အကြောင်းရင်းက သန္ဓေလွယ်သူ ကျွန်ုပ်မှာ ငွေကြေးမပြည့်စုံမှု ဆင်းရဲမှုက အရင်းခံသည်။

     ကျွန်ုပ်ကစာသင်ကျောင်းသားလေးရယ်၊ ကျွန်ုပ်စာသင်တိုက်ကို ရွာကနေပြောင်းလာစ ထဲကကျွန်ုပ်စာပေများကို ဖတ်ရှုခဲ့သည်၊ ၀တ္ထုလည်း ဖတ်သည်၊ ကာတွန်း ရုပ်ပြများကိုလည်း မလွတ်၊ မဂ္ဂဇင်းတွေလည်း လစဉ်ထုတ် နီးပါးဖတ်သည်၊ ကိုယ်ကငှါးမဖတ်နိုင်သော်လည်း မိတ်ဆွေသူငယ်ချင်းများက ငှါးဖတ်ကြသည်ကို ကျွန်ုပ်ဆရာက ငှါးဖတ်သည်ကို အနားကနေကပ်ဖတ် ခဲ့ရသည်။

     စာဖတ်များတော့ ဗဟုသုတတွေများလာသည်၊ အသိတွေတိုးလာသည်၊ ကျွန်ုပ် အဲဒီလိုအသိတွေ တိုးလာလေ ရွာကကျုပ်သူငယ်ချင်းတွေ၊ ကျုပ်တပည့် ကလေး တွေ၊ ကျုပ်ရွာသူရွာသားတွေ အားလုံးကို သတိရနေခဲ့လေ ဖြစ်ခဲ့သည်၊ သူတို့ကိုလည်း ကျွန်ုပ်လိုပဲ အသိတွေ တိုးစေချင်သည်၊ ကျွန်ုပ်လိုပဲ သူတို့ကို ဗဟုသုတတွေကြွယ်စေချင်ခဲ့သည်။

     စာသင်တိုက်တွေမှာ စာသင်ပြီးလို့ တက္ကသိုလ်တက်ရောက်ရတဲ့ခါ စာတွေပိုစုံ လာသည်၊ ဟိုတုန်းက မကိုင်ဘူးခဲ့တဲ့ စိတ်သိပ်မ၀င်စားခဲ့တဲ့ ပျို့တွေ လင်္ကာ တွေကို ချစ်ခင်လာသည်၊ ရှင်မဟာရဋ္ဌသာရကို အားကျသည်၊ ရှင်မဟာ သီလ၀ံသကို ကြည်ညိုသည်၊ ရှင်အုန်းညိုကို မြတ်နိုးသည်၊ ဗုဒ္ဓ၀င်များကို မွေးဖွားပေးခဲ့တော်မူသော တိပိဋကဆရာတော်ဘုရားကြီးကို အကြိမ်ကြိမ် ဦးခိုက်နေမိသည်၊ လယ်တီဒီပနီကျမ်းတို့၏သခင် လယ်တီ ဆရာတော်ဘုရားကြီး လို စာတွေအများကြီး၊ အဲဒီထဲကမှ ဆရာတော်လို လူတိုင်း နားလည်လွယ်ကူ စေနိုင်တဲ့ အရေးသားမျိုးတွေနဲ့ အသိပညာ ဗဟုသုတတွေ ပေးချင်လာသည်။

     တက္ကသိုလ်မှာ ဆရာစဖြစ်တဲ့ 1996 ခုနှစ်မှာ ကျွန်ုပ်ရွာကလေးအတွက် စာကြည့် စင်လေးတစ်ခု သူငယ်ချင်းလင်မယားအားကိုးဖြင့် သူတို့အိမ်သေးသေး လေးမှာစတင်အကောင်ထည်ဖော်ခဲ့သည်၊အဲဒီတုန်းက သူ့ကိုယာယီအမည်ပေး ခဲ့တာကရတနာမြေတဲ့၊အဲဒီမှာကျွန်ုပ်စာကြည့်တိုက်အသေးလေး သုံးနှစ်ကြာခဲ့ သည်၊ စာတစ်အုပ်မပြောက်မရှ၊ အိုဟောင်းလို့ လှန်လှောမရ၊ စာအုပ်ယိုယွင်းမှု တစ်နှစ်မှ လေးငါးအုပ်သာ ရှိခဲ့သည်၊ သို့သော် သုံးနှစ်ကြာလာတော့ သူငယ်ချင်း လင်မယားမှာ ကလေးငယ်လေးများနှင့် ဖြစ်လာခဲ့သည်၊ ရွာမှာလည်း မူလတန်းကျောင်းက စည်ကားမှုရှိလာသည်၊ ရပ်ရွာကမွေးသော ရပ်ရွာဆရာ ဆရာမများသည်ပင် ကိုယ့်ရပ်ကိုယ့်ရွာမှာ အိုးမကွာ အိမ်မကွာ အလုပ်လုပ်နိုင် လာကြသည်။

     ဒီတော့ သူတို့အားကိုးဖြင့် မူလတန်းကျောင်း၏ ရုံးခန်းထဲမှာပဲ စာအုပ်ဗီရို နှစ်လုံးဖြင့် စာကြည့်တိုက်လေး ပြောင်းခဲ့သည်၊ အကြောင်းကြောင်းကြောင့် စာအုပ်များ တစ်အုပ်ထဲကျန်အောင် ပျောက်ဆုံး ပျက်စီးသွားလေသည်၊ ကျွန်ုပ် ထိုင်ငိုရမလား စဉ်းစားမိသည်၊ ငိုချင်စိတ်မပေါ်ပါဘူး၊ အော် ဒီထဲက ငါ့စာအုပ်လေးတွေကို အတော်များများ ငါ့ရွာသားတွေ ဖတ်ဘူးခဲ့ကြပြီပဲ၊ ဘယ်တတ်နိုင်မလဲ၊ လူတောင်သေရသေးတာပဲ၊ ပစ္စည်းပဲ ပြန်တည် ထောင်မှာပေါ့ဆိုပြီး ခဏနားခဲ့သည်။

     မန္တလေးနိုင်ငံတော် ပရိယတ္တိသာသနာ့တက္ကသိုလ် မြန်မာစာဌာနမှာ ခြောက်နှစ်ကြာ တာဝန်ထမ်းဆောင်ပြီး ရန်ကုန်မြို့ရှိ အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြု တက္ကသိုလ်ကြီးသို့ ဆရာမွေးမြူရေး ဒေါက်တာဘွဲ့ကြို သင်တန်း ၀င်ခွင့်ကို 2002 ခုနှစ်မှာ အောင်မြင်ပြီး တက်ရောက်ပညာသင်ခွင့် ရခဲ့သည်၊ အဲဒီမှာတစ်နှစ်ခွဲခန့် ပညာသင်ပြီး သင်တန်းမအောင်မြင်သဖြင့် အောင်ဖျာလိပ်ခဲ့ရသည်၊ ဘ၀မှာ တစ်ခုတည်းသော ကျဆုံးမှုပါပဲ၊ ကျဆုံးခဲ့သော် လည်း အရှုံးကို တွေးနေငေးနေမှု မလုပ်ခဲ့ဘဲ တစ်ခါဘူးမှမကိုင်ခဲ့ဘူးသည် ငွေတစ်သိန်း လာဘ်လာဘမျိုးစုံမှ ရရှိခဲ့သည်၊ ဘာလုပ်ရမည်မသိ၊ ဒီလောက်များတဲ့ငွေကိုလည်း တစ်ခါမျှမကိုင်ဘူးခဲ့၊ လက်ထဲငွေရှိက စာအုပ်ပဲ ပြေးဝယ်ချင် နေခဲ့သည့်စိတ်ကိုလည်း ခေတ္တ ချိုးနှိမ်ပြီး ငါ…ဒီငွေတစ်သိန်း ဘာလုပ်ရမလဲဆိုပြီး စဉ်းစားသည်၊ မြန်မာပြည် အနယ်နယ် အရပ်ရပ်မှာရှိတဲ့ သူငယ်ချင်းတွေထံ အလည်အပတ်သွားပြီး ဒေသန္တရဗဟုသုတ ရှာမလား၊ ဒါမှမဟုတ် ဘုရားတွေ လည်ဖူးမလား၊ ညီမငယ်ဆယ်တန်း အောင်ထားသည်၊ days ကျောင်းဆက်ထားမလား ဒီငွေနဲ့ …လားပေါင်းများစွာဖြင့် အမျိုးမျိုးစဉ်းစားသည်…….. နောက်ဆုံးဝင်လာတဲ့ အတွေးက ရိပ်ကနဲ…..လင်းသွားသည်၊ လက်သွားပြီ၊ ညီမကိုဘေးဖယ်ထားလိုက်သည်၊ ရပ်ရွာတစ်ခုလုံးမှာရှိတဲ့ ညီတွေ ညီမတွေနဲ့လဲလိုက်သည်။

     ငါ့စာကြည့်တိုက်လေး… ဟုတ်တယ် ငါ့စာကြည့်တိုက်လေး ပျက်သွားခဲ့ တယ်၊ အဲဒါပြန်လုပ်မယ်ဆိုပြီး ဆုံးဖြတ်လိုက်တယ်၊ အိပ်ရာနိုးတာနဲ့ မြို့ထဲသွားဘို့ပဲ အာရုံရောက်နေတယ်၊ ကံအားလျော်စွာပဲ ဆွမ်းဘုန်းပေးခါနီး မိမိသီတင်းသုံးနေတဲ့ ရန်ကုန်၊ ဗဟန်း၊ ရွှေတောင်ကြား (၂)ရှိ မင်းကွန်းတောရသို့ မန္တလေး သာသနာ့တက္ကသိုလ်က တပည့်တစ်ပါးကြွလာတယ်၊ ဆွမ်းစားပြီးတာနဲ့ ဆရာတပည့် ငွေတစ်သိန်းပိုက်ပြီး မြို့ထဲစာအုပ်ဝယ်ထွက်သည်၊ စာပေဗိမာန်က သင့်နိုးရာရာ ကောင်းနိုးရာရာစာအုပ်လေးတွေ အားလုံးဝယ်ယူခဲ့သည်၊ လမ်းဘေးက အသစ်မဟုတ်သော်လည်း မဟောင်းနွမ်းသေးသည့် စာပေမဂ္ဂဇင်း များကိုချည်း အုပ်ရေတစ်ရာကျော်လောက်ဝယ်သည်၊ အခြားကောင်းနိုးရာရာ လေးတွေ ရွေးဝယ်လိုက်တော့ လက်ထဲ ငွေနှစ်သောင်းကျော်ကျော်နီးနီး ကျန်ခဲ့သည်၊ တော်ပြီ၊ ရွာပြန် လမ်းစားရိတ်လိုသေးသည်။

     အဲဒီနေ့ကနေ နောက်နေ့ ရန်ကုန်မြို့ရှိ မိမိဒကာ ဒကာမများအိမ်သို့ကြွကာ စာဖတ်တတ်သည့်အိမ်၊ စာအုပ်စုသည့်အိမ်များကိုရွေးကာ စာအုပ်အလှူခံ ထွက်သည်၊ သူတို့လှူကြသည်၊ ရွာကိုပြန်ကြွတော့ စာအုပ်ထည့်ထားသည့် လန်ဒန်(London) စီးကရက်ပုံးလေးပုံး၊ မြွေရေခွံအိတ် (ငွေခွံအိတ်) - ဆန်အိတ် (ဆံအိတ်) ဟောင်းသုံးလုံးပါလာသည်၊ ရွာကိုရောက်တာ နှင့် ဆရာတော် ကိုလျှောက်ထားကာ ဘုရားတပည့်တော် စာကြည့်တိုက်လေး ပြန်လုပ်တော့မယ် ဘုရားဆိုတော့ ဆရာတော်က မိုက်ပ ငါ့တပည့်ရာ မင်းစာအုပ်တွေ ၀ယ်မယ့်အစား တစ်အိမ် ဆန်တစ်ပြည် ဝေတာကမှ ပိုအကျိုးရှိဦးမယ်တဲ့၊ နောက်ပီး မင်း အရင်လုပ်ထားတဲ့စာအုပ်တွေ တစ်အုပ်မှ မရှိတော့ဘူးဆိုတဲ့၊ ဆရာတော့်ကို အပြစ်မဆိုအားပါဘူး၊ ဆရာတော်က ကိုယ့်ကို ဂရုဏာ ဒေါသနဲ့ပြောတာဆိုတာကို သိနေတော့ မတတ်နိုင်ဘူးဘုရား၊ ဒီတစ်ခါတော့ တပည့်တော် သေချာလုပ်မှာဘုရားလို့လျှောက်လိုက်တယ်၊ နောက်နေ့မှာ ရွာထဲက ရ.ယ.က လူကြီးများနဲ့ ရပ်မိရပ်ဖများခေါ်၊ လူငယ်တွေ ဖိတ်၊ ကျောင်းဆရာ ဆရာမလေးတွေ အားလုံးဖိတ်၊ ကောက်ညှင်းပေါင်းကျွေး၊ ကော်ဖီမစ်တိုက်၊ လန်ဒန်ဆေးလိပ်တိုက်ပြီး စာကြည့်အတွက် စုဝေးလိုက်တာ တစ်ခါတည်း-
၁။ စာကြည့်တိုက်ဥက္ကဋ္ဌ
၂။ စာကြည့်တိုက်ဒုတိယဥက္ကဋ္ဌ
၃။ စာကြည့်တိုက်အတွင်းရေးမှူး
၎။ စာကြည့်တိုက်မှူး
၅။ စာကြည့်တိုက်ပြန်ကြားရေးနဲ့ ဆက်သွယ်ရေးအဖွဲ့
၆။ စာအုပ်ငှါးပေးမည့်သူ မိန်းကလေး ခြောက်ယောက်
စသည်ဖြင့် ဖွဲ့စည်းလိုက်သည်။

     အဲဒီနောက်နေ့မှာ စာအုပ်တွေထဲက အဖုံးမချုပ်ရသေးတာတွေကို ချုပ်၊ ချုပ်ပြီးသားတွေ ချုပ်ဘို့မလိုတာတွေကို Catalog (ကက်တလောက်)ဖြည့်၊ စာအုပ်စာရင်း၊ ငှါးစာရင်း၊ စသည်လိုအပ်တာတွေ လုပ်ကြသည်၊ ပျော်စရာကြီး တစ်လနီးပါး မချုပ်တတ် ချုပ်တတ်ချုပ်ကြသည်။

     စာကြည့်တိုက်လေး ဖွင့်တာကို ရွာကခြောက်လုံးပတ်ဆိုင်းက ကွမ်းယာစားပြီး ဧည့်ခံပေးသည်၊ ရွာရှိတပည့်တစ်ယောက်က အသံချဲ့စက်ကို အလကား ဖွင့်ပြီး ကူညီသည်၊ စာရင်းချုပ်တော့ အဲဒီစာကြည့်တိုက်လေး အစမ်းဖွင့်စက ပိုက်ဆံ ငါးရာ ကွမ်းဘိုးကုန်ခဲ့သည်။

     နာမည်လေး ပေးလိုက်တာက အလင်းသစ်တဲ့….
အဲဒီအလင်းသစ်လေး တကယ်တော့ ဖွားမြင်ပြီးမြောက်သေးတာမဟုတ်ဘူး၊ မွေးစမ်းကြည့်ယုံလေးပဲ ရှိသေးတာ၊ သူများနေရာ အသုံးမပြုတော့သည့် သမဆိုင်ခန်းထဲမှာ ခေတ္တ တစ်နှစ် ယာယီ အလကား အငှါးဖြင့် ဖွင့်ဖြစ်ကြသည်၊ နောက်တစ်နှစ် သမလူကြီးများနဲ့ကလေးတွေ မတည့်တော့၊ သူတို့က လစာကို တစ်ထောင် တောင်းသည်တဲ့၊ တစ်နှစ် တစ်ထောင်လား တစ်လတစ်ထောင်လား မသိ၊ တစ်နှစ် တစ်ထောင်ဖြစ်ဘို့များသည်၊ သို့သော် တစ်နှစ်တစ်ထောင်ကိုပင် အလင်းသစ်က ပေးနိုင်စွမ်းမရှိခဲ့။ အဲဒီကနေ ရထားတဲ့ ရန်ပုံငွေလေးဖြင့် မိမိတောင် မသိလိုက်၊ အိမ်အဟောင်းသေးသေးလေးလေး ၀ယ်ပြီး၊ ပြန်ဆောက်ကာ လယ်စောင့်တဲငယ်လေးသဖွယ်မှာ အလင်းသစ်လေး သန္ဓေမရင့်တရင့်နဲ့ ခေတ္တနားရသည်၊ ဤကာလ အလင်းသစ်ကို သန္ဓေလွယ်သူ မိမိက နိုင်ငံရပ်ခြား သီရိလင်္ကာမှာ ပညာဆက်လက်ဆည်းပူးနေခဲ့သည်။

     ပြန်ရောက်တော့ သန္ဓေအရင့်အမာ အလင်းသစ်လေးရဲ့ နေအိမ်ကို ကြည့်မိသည်၊ မချမ်းမြေ့၊ ငါလည်း နည်းနည်း တတ်နိုင်လာပြီ၊ နိုင်ငံခြား မထွက်ခင် ရန်ကုန်မြို့ရောက် စားသောက်ဆိုင်အသီးသီး၊ ဆောက်လုပ်ရေး အဖုံဖုံတို့၌ အလုပ်လုပ်နေကြသော မိမိရွာသား လူငယ်လေးများထံမှ စာကြည့်တိုက်ဆောက်ဖို့ငွေလေးတွေ လိုက်စုသည်၊ ခံယူထားတာက ရွာမှငွေကို တပြားမှအပါမခံ၊ ရွာရှိ လူကြီးသူမများကို ဒုက္ခမရောက်စေရဆိုတဲ့ ရည်ရွယ်ချက်နဲ့၊ ငွေနှစ်သိန်းနီးပါးရခဲ့သည်၊ သူတို့လုပ်ခဲ့ သည်၊ မိမိ နိုင်ငံခြား ပညာသင်ခရီး (၂) နှစ်အတွင်း ငွေနှစ်သိန်းက ငါးသိန်းဖြစ်သွားခဲ့သည်၊ အဲဒီ ငါးသိန်းနဲ့ မိမိကျန်လာတဲ့ငွေးလေးရယ်၊ နောက်ထပ် ရရှိတဲ့ထဲကရယ်နဲ့ ငါးသိန်း၊ ပေါင်း ဆယ်သိန်းဖြင့် အလင်းသစ်စာကြည့်တိုက် စဆောက်သည်၊ မပြီး၊ မပြည့်စုံ၊ နည်းနည်းလိုနေပြန်သည်၊ အိန္ဒိယ၊ ဘုံဘေတက္ကသိုလ်သို့ ပါရဂူဘွဲ့ဆက်တက်၊ တစ်နှစ်ခွဲနေလို့ ပြန်ရောက်၊ အချောကိုင်ဘို့တဲ့ ငွေငါးသိန်း ထပ်ပေးလိုက်သည်၊ အားလုံး ငွေအလုံးအရင်းဖြင့် 15 သိန်း။

      ပြီးပြီတဲ့၊ ဘုန်းဘုန်းရေ စာကြည့်တိုက်ပြန်ဖွင့်လို့ရပြီတဲ့… ရွာကိုပြန်ကြွပြီး စာကြည့်တိုက်ဖွင့်ရအောင်တဲ့၊ လုပ်လိုက်ပြီ၊ ၀တ္ထုစာအုပ်အဟောင်းဆိုင်က ၀တ္ထုစာအုပ် (200)နှင့် အခြား ကောင်းနိုးရာရာ စာအုပ်များ အတတ်နိုင်ဆုံး ထပ်ဝယ်လိုက်သည်၊ စာအုပ်ကို ကိုယ့်ကျောင်းမှာ အချုပ်သမားခေါ်ပြီးချုပ်သည်၊ အခြားသော အလှူခံရသည့်စာအုပ်များအပါအ၀င် London စီးကရက်ပုံး ကိုးပုံး၊ မြွေရေခွံ နှစ်အိတ်ဖြင့်ထည့်ကာ တပည့်တစ်ယောက်ဖြင့် ရွာပြန်ခဲ့ပြန်သည်။

     2009 ခုနှစ်၊ မတ်လ-12 နေ့ညမှာ အလင်းသစ်စာကြည့်တိုက်ကို တကယ်ကိုပဲ ထည်ထည်ဝါ၀ါဖြင့် စာပေဟောပြောပွဲများအပါအ၀င်၊ သို့သော် စာရေးဆရာဆို၍ မိမိတစ်ဦးတည်းသာပါဝင်လျက် ဖွင့်လစ်နိုင်ခဲ့သည်။ ထိုနေ့သည်သာ အလင်းသစ်ကလေး တကယ်မွေးဖွားသည့်နေ့စင်စစ်ဖြစ်ခဲ့သည်၊ အဲဒီနေ့က မိမိပြောခဲ့သည့်စကား….

     ဘုန်းကြီးအနေဖြင့် ဟောဒီအလင်းသစ်စာကြည့်တိုက်ဖြစ်မြောက်အောင် သန္ဓေတည်လာခဲ့တာ၊ ရင်မှာလွယ်ခဲ့တာ နှစ်ပေါင်း ဆယ့်သုံးးနှစ်ကျော် ဆယ့်လေးနှစ်အတွင်းပင် ရောက်ခဲ့ပါသည်၊ ဒီကနေ့တော့ သူ့ကို အောင်မြင်စွာ မွေးဖွားခဲ့ပြီးပါပြီ၊ ဒါပေမယ့် ဘုန်းကြီးအနေဖြင့် သူ့ကို အနီးကပ် မစောင့် ရှောက်နိုင်ပါ၊ ဒါကြောင့်မို့ ရပ်မိရပ်ဖများနှင့် မြေနုကျေးရွာတွင် နေသူ မည်သူ့ကိုမဆို အပ်နှံပါသည်၊ ဒီအလင်းသစ်ကလေးကို စောင့်ရှောက်ပေးကြပါ၊ ၀ိုင်းဝန်းကူညီပေးကြပါ၊ မပျောက်မပျက်၊ အနာအဆာကင်းအောင် ထိမ်းသိမ်း ပေးကြပါ၊ အလင်းသစ်ဟာ ဒီနေ့ကစပြီးတော့ မြေနုကျေးရွာ၏အလင်း သစ်ဖြစ်သွားပါပြီ၊ ဦးသာဓိန၏အလင်းသစ်မဟုတ်တော့ပါ၊ ဦးသာဓိန၏ အလင်းသစ်မဟုတ်သော်လည်း သူ့ကို မွေးဖွားပေးသူ ဦးသာဓိနဟာ သူ့သားကို အမွေဖြတ်စွန့်လွတ်သည်မဟုတ်ပါ၊ အမြဲတန်း အဝေးကနေ မေတ္တာတွေပေး၍ စောင့်ရှောက်နေဦးမည်၊ သူ့ကို သူ့အသက်ရှင်နေသေးသ၍ ကူညီပေးနေဦးမည်၊ သစ်သည်ထက် သစ်အောင်၊ လင်းသည်ထက် လင်းအောင် နေ့စဉ်ကြိုးစားနေ ပါဦးမည် ဟု ပြောကြားရင်း…..

     အဲဒီလိုပြောခဲ့တယ်၊ အဲဒါ အဲဒီနေ့ဟာ အလင်းသစ်ရဲ့မွေးဖွားခြင်း ကိစ္စပြီးဆုံးတဲ့ နေ့ပါပဲ၊ အလင်းသစ်ပြီးဆုံးတဲ့နေ့မဟုတ်ပါ၊ အလင်းသစ်ကတော့ မြေနုရွာဆိုတာ ရှိနေသ၍ ဆက်လက်ရှင်သန်နေပါလိမ့်မည်….

     ရွာကနေ ရန်ကုန်မှာ ကျောင်းလာတက်နေသော၊ အလုပ်လာလုပ်နေသော တပည့်လေးများက အင်တာနက်ကနေ လာအကြောင်းကြားသည်၊ ဘုန်းဘုန်းရေ တပည့်တော်တို့ရွာက စာကြည့်တိုက်ကတော့ စလင်းမြို့နယ်မှာတော့ အကောင်းဆုံး အစည်ကားဆုံး အားပေးမှုအသာဆုံးဆိုပြီး နာမည်ကျော်နေ တယ်တဲ့… အော် ကောင်းလေစွ…

     အလင်းသစ်ရယ်ဟု မွေးဖွားစမ်းစကပင် နှစ်ပတ်လည်တိုင်း ကလေးတွေကို မူလတန်း၊ အလယ်တန်း၊ အထက်တန်း အဆင့်လိုက် စာစီစာကုံးပြိုင်ပွဲလေး တွေကို ကျင်းပပေးပြီး အနည်းငယ်သော ဆုလေးတွေကို ပေးခဲ့သည်။

    ခု ဒီအလင်းသစ် (http://alinnthit.net) လေး မွေးဖွားဖြစ်တာကိုတော့ နောက် အခွင့်သင့်ရင် ဆက်ရေးပါဦးမည်… တစ်နေ့ပေါ့….
 07. 12. 2009

     ဤဆောင်းပါးလေးကို ဖတ်မိသူတိုင်း ဒီလို အလင်းသစ်လိုလေးတွေ မွေးဖွားပေးနိုင်ကြပါစေ……

ဒေါက်တာ အရှင်သာဓိန
မင်းကွန်းတောရကျောင်းတိုက် (ရန်ကုန်)



"အလင်းသစ်များ မွေးဖွားပေးသော
ဒေါက်တာ အရှင်သာဓိန၏ စာပေဆောင်းပါကြိ
ပြန်လည် ရှာဖွေတင်ပြပေးအပ်ပါသည်"
     Post by -
Alinnthit Library 1-7-2016
alinnthitlibrary.blogspot.com

" လမ်းမှန် ရောက်ဖို့ "

ဟောဒီ ခုရောက်ရှိနေတဲ့ဘ၀လေးဟာ တကယ်ဆိုတော့ လမ်းဆုံလေး တစ်ခုပဲ၊

လမ်းဆုံဆိုတာ ဘယ်အရပ်ကိုပဲသွားချင်သွားချင် သွားလို့ရတဲ့နေရာပဲ၊

ဒါပေမယ့် အဲဒီလမ်းဆုံမှာ လမ်းမှားတွေလည်း ရှိနေတယ်၊

လမ်းမှန်ကလည်း အတိအကျရှိနေပြန်ရော၊

ဒီတော့ လမ်းမှန်ကိုသာ တည့်တည့်လျှောက်ပါ၊

လမ်းမသိရင် လမ်းဆုံမှာ မေးစရာလူတွေရှိတယ်၊

ဗုဒ္ဓဟောကြားထားသော ဓမ္မစာပေတွေရှိတယ်၊

သင်ကြားတတ်မြောက်ပြီး လိမ်မာသူတွေရှိတယ်၊

ဖတ်ပါ၊ မေးပါ၊

လိုရာခရီးကို လွယ်ကူစွာ ရောက်ပါလိမ့်မည်...


ဘုန်းဘုန်းဦးသာဓိန
(ခေတ္တ-ဘုံဘေတက္ကသိုလ်)
Post By-
alinnthitlibrary.blogspot.com

" ငါ့မျက်ရည်တွေ ဘယ်ကိုရောက် "

   02. 12. 2009- ညနေ 8:30 ခွဲအချိန် (အိန္ဒိယစံတော်ချိန်)
အင်တာနက်ကနေ လာပြီး အကြောင်းကြားတယ်၊ ရွာက အဖေ မြန်မာစံတော်ချိန် ညနေခြောက်နာရီခွဲလောက်မှာ ဆုံးသွားပီတဲ့…
ရင်ထဲက ဘာတစ်ခုမှ ပေါ်မလာပါလား၊ ၀မ်းနည်းရမယ်ထင်တယ်၊ ဟုတ်တယ် ၀မ်းနည်းရမယ့် အလုပ်၊ ၀မ်းနည်းရမယ့် အဖြစ်ပေပဲ၊ ငါဝမ်းမနည်းခဲ့ဘူး၊ ဘာဖြစ်ပါလိမ့်၊ သဘာဝကိုများ ဆန့်ကျင်မိတာလား၊ အဖေ့ကို မချစ်ခဲ့လို့လား၊ အဖေ့ကို မုန်းဘူးလို့လား၊ အဖေ့ကို မချစ်တော့တာလား၊ မဟုတ်ဘူးတဲ့၊ အဖေ့ကို ချစ်တာပေါ့၊ ငါက ပုထုဇဉ်ပဲဟာ၊ အမေ့ကိုလည်း ချစ်နေတာပဲ၊ ပုထုဇဉ်လေ၊ အချစ်အမုန်းတွေ နှလုံးသားမှာ ပြုံးတီးသွားခဲ့ပီမှ မဟုတ်သေးတာ၊ အဖေ့ကိုလည်း ချစ်တယ်၊ အမေ့ကိုလည်း ချစ်တယ်၊ ညီကိုမောင်နှမတွေ ကိုလည်း ချစ်သေးတာပဲ၊ အဖေ-သေတာကို ဘာလို့ ၀မ်းနည်းပူဆွေး မျက်ရည်သွေးတွေမကျဘဲ ရင်မှာလောင်မြိုက် မဖြစ်ရတာပါလိမ့်ဆိုပြီး စဉ်းစားမိတယ်၊ ညအိပ်ရာဝင်ခဲ့တော့လည်း ၀မ်းနည်းစိတ်ကို ရှာနေမိတယ်၊ ချက်ချင်းမို့ ငါ့မျက်ရည်တွေ မလာတာဖြစ်လိမ့်မယ်၊ တစ်စိမ့်စိမ့်တော့ မျက်ရည်တွေ မိုးလိုရွာချကြလိမ့်မယ်ပေါ့၊ ဟင့် အင်း… တကယ်ပဲ မျက်ရည်က မကျခဲ့၊ ဟင့်အင်း… တကယ်ပဲ ၀မ်းနည်းပူဆွေးမှုတွေ မဖြစ်ခဲ့၊ ဘာကြောင့်ပါလိမ့်၊ ငါ့မျက်ရည်တွေ ဘယ်ဆီရောက်နေကြပါလိမ့်……..

     ဘ၀နောက်ကြောင်းကို ပြန်ကောက်ယူခြင်း
၁၃၂၉-ခု၊ ပြာသိုလဆုပ် (၁၂)ရက်၊ သောကြာနေ့နံနက် လေးနာရီအချိန်- မကွေးတိုင်း၊ စလင်းမြို့နယ်ရဲ့ မြောက်ဖျားက ရွာကလေးတစ်ရွာဖြစ်တဲ့ မြေနုဆိုတဲ့ရွာမှာ အဖေဦးစိန်အောင်၊ အမေ ဒေါ်လှအုန်းကနေ ငါ့ကို မွေးဖွားခဲ့တယ်၊ အဲဒီချိန်ကတော့ ငါက ငါမွေးတာကို ဘယ်သိပါ၊ မှတ်မိနိုင်ပ၊ မွေးစလေးကိုး။ မှတ်မိတဲ့အချိန်ကတော့ ငါ ရွာဦးကျောင်းဆရာတော် ဘုရားကြီးထံမှာ စာပေတွေသင်ကြားခဲ့နေပြီပဲ၊ ငါက စာတော်ခဲ့တယ်၊ စာကြိုးစားဘို့ကိုလည်း ဘယ်သူကမှမပြောဘဲနဲ့ ငါ့ဟာငါကို ကြိုးစားခဲ့တယ်၊ စာကိုလည်း အလွန်ပဲ ၀ါသနာပါခဲ့တယ်၊ စာသင်ရတဲ့အလုပ်ကို ပျော်မွေ့ခဲ့တယ်၊ ဆရာတော်က ငါတပည့်လေး စာအလွန်ကြိုစားတယ်၊ သိပ်တော်တယ်ပြောရင် အလွန်ဝမ်းသာခဲ့တယ်၊ အဲဒီအချိန်က ငါ မင်္ဂလသုတ်တို့ ရှင်မဟာသီလ၀ံသရဲ့ ဆုံးမစာတို့ကို သင်နေခဲ့ရပြီ၊ ငါ့အသက်- ရှစ်နှစ်သားအရွယ်မှာ ငါ့-ရွာမှာ စပွင့်တဲ့ အစိုးရမူလတန်းကျောင်းကို ပြောင်းခဲ့ရတယ်၊ အဲဒီအချိန်မှာ ငါက ကျောင်းနေရတယ်ဆိုပေသည့် အဖေနဲ့တူ လယ်ယာကို စောင့်တဲ့အလုပ်တွေ လုပ်နိုင်ခဲ့ပီ၊ အဖေ့ကို အကူညီပေးနိုင်ခဲ့ပီ၊ အမေ့ကို ကူရတာကတော့ ငါ့နောက်က မွေးလာတဲ့ ညီငယ်ညီမငယ်လေးတွေကို ထိန်းရင်း ကျောင်းတက်ခဲ့ရတယ်။

     စာမေးပွဲဆိုတာကို ငါတို့တောသားလေးတွေအနေနဲ့ အဲဒီ ငါရှစ်နှစ်သားအရွယ်မှာ စတင်ထိတွေ့ခဲ့တယ်၊ အတွေ့အကြုံမရှိတဲ့ ငါတို့ပထမတန်း တစ်ခုလုံး စာမေးပွဲဖြေပြီးတာနဲ့ ပြန်ဖြေကြရတယ်၊ မဖြေတတ်ကြလို့တဲ့၊ ဒါပေမယ့် အဲဒီနေ့က ငါက အဖေနဲ့တူ တောလိုက်ပြီး ထင်းခုတ်သွားခဲ့တယ်၊ ဆရာတွေကို မေးကြည့်တော့ မင်းကတော့ ပြန်ဖြေဘို့မလိုတဲ့၊ မင်းဖြေတာ အားလုံးမှန်တယ်တဲ့၊ အောင်စာရင်းတွေထွက်ခဲ့တော့၊ ငါက ပထမတဲ့၊ ဒီလိုပဲ ငါသုံးတန်းရောက်တော့ ငါ့အသက်က (၁၀)နှစ်၊ ငါတော်တော်လေး မိဘကို ကူညီနိုင်နေခဲ့ပီ၊ နွားကျောင်းသွားရသည်၊ မနက်နွားကျောင်းပြီး အဖေ့ကို ကူညီရင်း၊ နေ့ခင်း-ကျောင်းတက်ရင်း ကလေးထိန်းပြီး အမေ့ကို ကူညီခဲ့ရသည်၊ စာမေးပွဲတွေဖြေခါနီးတိုင်း ငါကရွာထဲကနေ စာမေးပွဲလာဖြေသည်မဟုတ်၊ ယာခင်းထဲကနေ လာဖြေရသည်၊ အဖေနဲ့တူတူ ပြောင်းဖူးခင်း စပါးခင်း ငရုပ်ခင်း ညအိပ်စောင့်ရသောကြောင့်၊ အတန်းတိုင်းနီးပါးကို နေ့တစ်ဝက်တက်ရသည်က များသည်၊ အဲဒီထဲက ငါ့ခါးမှာ ကျောင်းစာအုပ်တစ်အုပ် အမြဲပါခဲ့သည်၊ နွားကျောင်းရင်း စာကျက်သည်၊ ကလေးထိန်းရင်း စာကျက်သည်၊ ယာစောင့်ရင်း စာကျက်သည်၊ ဂဏာန်းသင်္ချာကိုတော့ ငါတစ်ရက်တွက်ခဲ့ရင် နောက်တစ်ရက်နားနိုင်သည်၊ ငါ့ အတန်းက ကျောင်းသားတွေက နောက်တစ်နေ့တွက်တာတောင် ငါ့ကို မီနိုင်ခဲသည်၊ ငါ-တော်လွန်းလို့မဟုတ်၊ ငါ ကြိုးစားလွန်းလို့သာဖြစ်ခဲ့သည်၊ ငါ့မှာက ကျောင်းကို သူများလို မှန်မှန်မတက်နိုင်ခဲ့၊ ငါတို့တုန်းက အင်္ဂလိပ်စာ မူလတန်းမှာ မသင်ရသေး၊ တစ်နှစ်ကို စာမေးပွဲသုံးခါ ဖြေရသည်၊ ပထမအစမ်း၊ ဒုတိယအစမ်း၊ တတိယ အစဉ်ဆိုပြီးပေါ့။ ဖြေပြီးတဲ့ စာမေးပွဲတိုင်း အောင်စာရင်းထွက်လာရင်- ငါသည် ပထမ၊ မူလတန်းကျောင်းမှာ အတန်း လေးတန်း- ပထမတန်းကနေ စတုတ္ထတန်းထိ၊ စာမေးပွဲ ၁၂-ကြိမ်ဖြေခဲ့ရသည်၊ ဖြေတဲ့အတန်းတိုင်း ငါပထမရခဲ့သည်၊ အဖေလည်း ပြုံးခဲ့သည်၊ အမေလည်း ပျော်ခဲ့သည်။ ကျောင်းသားလေး ဘ၀ထဲက ငါက မိဘကို ငြိုငြင်မှု တစ်စုံတစ်ခုမှ မပြုခဲ့၊ ငါ့အတွက်နဲ့ မိဘ စိတ်မကွက်စေခဲ့၊ ငါသိမှီသလောက်ပေါ့လေ။

     လေးတန်းအောင်တော့ ငါ့ အသက်က ၁၂-နှစ်ထဲရောက်ပေါ့၊ အဲဒီမှာ ငါဟာ လယ်သမားလုံးလုံးဖြစ်နေခဲ့ပီ၊ ငါက ယာလည်းထွန်တတ်တသည်၊ နွားကျောင်းသည့်အလုပ်ကတော့ ပထမတန်းကျောင်းသားတည်းက လုပ်ခဲ့ရသည်၊ နွားစားဘို့ မြက်ရိတ်ရသည်၊ နွားနှစ်ယှဉ်းစာကို ငါက ရအောင်လုပ်ခဲ့သည်၊ အဖေသည် ထိုသည့်အချိန်က ထန်းပင် ငါးပင်လောက်နှင့် အချိန်ကုန်ခဲ့သည်၊ အဖေ့က ငါ့ကိုညွှန်ကြားသည်၊ ယာကိုဘယ်လိုထွန်၊ လယ်ကို ဘယ်လိုထွန်၊ နွားကိုဘယ်လိုမောင်း၊ ထွန်ကြောင်းကို ဘယ်လိုဖြောင့်အောင် မောင်း၊ စသည်ဖြင့်ပေါ့၊ ငါက ခန္ဓာကိုယ်သေးကွေးသည်၊ ဒါကြောင့် အဖေက ငါ့ခန္ဓာကိုယ်နီးပါး သစ်သားတုံးတစ်ခုကို ထွန်ပေါ်တင်လို့ရအောင်လုပ်ပေးသည်၊ ငါတစ်ယောက်တည်းလည်း လယ်/ယာ အထွန်သွားခဲ့သည်၊ အဖေနှင့် တူတူလည်း လယ်ထွန်ခဲ့ရသည်၊ ငါလယ်ထွန်သည့်အခါ အဖေ လယ်ကန်သင်းက ထိုင်ကြည့်နေတဲ့ခါများ ငါ့စိတ်ထဲမှာ ပီတီလှိုင်းအဟုန်တွေ တစ်ဖွားဖွားနဲ့ပေါ့၊ သိပ်ဝမ်းသာတာပဲ၊ ငါ အဖေ့ကို ဒီလိုလည်း ကူနိုင်သည်၊ ငယ်ထဲက ကူတာတွေကို ကူတယ်လို့သိပ်မထင်ခဲ့ဘူး၊ အဖေထွန်ပေါ်က ဆင်းရတာကို ပိုပီး ပီတိဖြစ်ခဲ့သည်၊ အဖေက အဲဒီနှစ်ပေါ့၊ လယ်လုပ်တဲ့နေရာမှာ အစေ့ဆန်ချသည့်ခါ ဂျောင်းဆွဲ (ထယ်ကြောင်းပေး) တဲ့အလုပ်ရယ် ထယ်ထိုးတာရယ်၊ အဲဒါလောက်ပဲ လုပ်ရတယ်၊ ကျန်တာ ငါလုပ်ခဲ့တယ်၊ မနက် လယ်ထွန်သွားပီး နေ့ခင်းမှာ ငါနွားနှစ်ယှဉ်းနဲ့ နွားသားအမိအပါဝင် နွားခြောက်ကောင်ကို နွားကျောင်းထွက်သည်၊ နွားကျောင်းရင် မြက်နှုတ်သည်၊ နွားကျောင်းရင်း အမေ့တွက် ထင်းခွေသည်၊ ငါက ရေတော့မခက်ခဲ့ရ၊ ငါ့အထက်က အစ်မနှစ်ယောက်က ရေခပ်သည်၊ နွားစာစဉ်းသည့်အလုပ်ကိုတော့ အဖေကပဲ လုပ်သည်၊ ငါက နွားစာစဉ်းသည့် ဓားကို ကောင်းကောင်းမနိုင်ခဲ့။ ဒီလိုနဲ့ ငါ့အသက် ၁၅-နှစ်ပြည့်ခဲ့သည်၊ ၁၅-နှစ်သားမှာ ငါ သာသနာ့ဘောင်ထဲဝင်ပြီး ရှင်သာမဏေပြုခဲ့ရသည်။ အဖေနဲ့အမေက ငါတို့ညီအစ်ကိုရဲ့ ပစ္စယာနုဂ္ဂဟနှင့်ပေါ့၊ ရွာဦးကျောင်းဆရာတော်ကြီးက ဥပဇ္ဈာယ် ဆရာ။

     ဒုတိယဘ၀
အဲဒီကနေစ အဖေနဲ့အမေကို ငါမကူညီနိုင်တော့၊ ဒါပေမယ့် ရွာဦးကျောင်းဆရာတော်ကြီးအထံမှာ ဗုဒ္ဓစာပေများကို အခြေခံကစ နေ့မအား ညမနား သင်ယူခဲ့သည်၊ ငါက ပညာကို ဘယ်အချိန်မှာ ဖြစ်ဖြစ် အလိုရှိနေခဲ့သည်၊ ဆရာတော်သင်ပေးသမျှကို အရအမိ သင်သည်၊ ကျောင်းမှာရှိတဲ့ ဘယ်ကိုရင်နဲ့မဆို ငါက ပိုကြိုးစားခဲ့သည်၊ ဘယ်ကျောင်းထက်မဆို ငါကြိုးစားခဲ့သည်၊ သူများတွေ တစ်နေ့တစ်ခါ မှန်မှန် အသစ်မတက်ရောက်နိုင်တဲ့အခါမှာ ငါက တစ်ချိန်ကို နှစ်ကြိမ်အသစ် တက်ခဲ့သည်၊ လယ်ထွန် နွားကျောင်း လုပ်နေခဲ့တဲ့အချိန်တုန်းကလည်း စာကို အလွန်ပဲသင်ချင်ခဲ့သည်၊ ငါဖြစ်ချင်တာက ကလေးတွေကို စာသင်ပေးရတဲ့ ကျောင်းဆရာ၊ ကျောင်းဆရာမဖြစ်တော့လည်း ငါကတော့ မပူခဲ့ပါဘူး၊ ခု ငါ့ရဲ့ ဒုတိယဘ၀မှာ ငါဖြစ်ချင်တဲ့ဆရာတော့ ဖြစ်တော့မယ်ဆိုပြီး ငါတအားကို ကြိုးစားခဲ့သည်။

     ဒီလိုနဲ့ အခြေခံဗုဒ္ဓစာပေဖြစ်တဲ့ သဒ္ဒါနဲ့သဂြိ င်္ုဟ်ကို ဆရာတော်စိတ်ကြိုက် သင်ပြီးတာနဲ့ ကျောက်ပန်းတောင်းမြို့၊ သုခ၀တီစာသင်တိုက်ကို စာသင်သားအဖြစ်-ငါ (၁၆)နှစ်သားမှာ ရောက်ရှိခဲ့သည်၊ အဲဒီမှာလည်း ငါကြိုးစားပြီး စာသင်သည်၊ အစိုးရအခြေပြု မူလတန်း တိုက်တွင်းစာမေးပွဲတိုင်းမှာ ပထမ (ဒါမှမဟုတ်) ဒုတိယအဆင့်နဲ့ အောင်မြင်သည်။ အစိုးရစာမေးပွဲမှာတော့ ဂုဏ်ထူးနဲ့အောင်မြင်ခဲ့သည်။ အဲဒီနှစ်ပေ့ါ။

     အဲဒီကနေ- ၁၇ နှစ်သားမှာ ရန်ကုန်က ဆရာတော် (ရွာဆရာတော်ကြီး၏ညီဝမ်းကွဲ)က ငါစာကြိုးစား စာတော်တယ်ဆိုတာကို ကြားသိလို့ ရန်ကုန်က ဗဟန်း၊ ၀ိသုဒ္ဓါရုံပါဠိတက္ကသိုလ်မှာ အဆင်ပြေမယ်ဆိုပြီး ရန်ကုန်ကိုခေါ်ပြီး ကျောင်းအပ်ပေးပြန်တယ်၊ အဲဒီတိုက်ကြီးမှာ ပဌမငယ်နဲ့ ပဌမလတ်တန်း နှစ်တန်းလုံးမှာ အပတ်စဉ်စာမေးပွဲတိုင်းနီးပါး ပဌမ၊ ပဌမမရတဲ့ တချို့အပတ်မှာ ဒုတိယနဲ့အောင်မြင်နေပြန်တယ်၊ မှတ်မှတ်ရရ ပထမငယ်တန်း တိုက်တွင်းအပတ်စဉ်စာမေးပွဲ (၂၅) ကြိမ်ဖြေဆိုရာမှာ ငါက ပထမ (၂၁)၊ ဒုတိယ (၄) ကြိမ်ရခဲ့သည်၊ အစိုးရစာမေးပွဲတွေမှာတော့ ကံတရားကြောင့်ဟု ပြောရမလားပဲ၊ တစ်ကြိမ်တစ်ခါမှ နံပါတ်မ၀င်ခဲ့ဘူးဘူး၊ ကြိုးစားတာကတော့ အဲဒီအတွက်ပါပဲ၊ ဒါပေမယ့် အောင်မြင်မှုမရခဲ့ဘူးပေါ့။ ပထမကြီးရောက်တော့ စာပေသမားယောင်ယောင်မှို့ စာမေးပွဲတစ်နှစ်ကျခဲ့သည်၊ သို့သော် တိုက်တွင်း အပတ်စဉ်တိုင်းမှာတော့ ပ-ဒု-တ အမြဲနီးပါးပါပဲ၊ စာပေရေးရာမှာ ကဗျာရေး၊ ဆောင်းပါးရေးနဲ့ ဘယ်စာပေတိုက်ကမှလည်း မရွေးဘဲနဲ့ကို စာပေကိုရူးခဲ့ကာ စာမေးပွဲကျသည်အထိဖြစ်ခဲ့ရသည်။ သို့သော်ဆရာတော်များအငြိုငြင်ဖြင့် မခံခဲ့ရ။

     စာမေးပွဲတွေကို ထူးချွန်စွာအောင်မြင်ခဲ့တော့ ဆုများလည်း အတော်အသင့်ရခဲ့သည်၊ ရသမျှ ဆုကြေးများကို အဖေနဲ့အမေ့ကိုချည်း ပေးပို့ခဲ့သည်၊ ကိုယ်တိုင်သုံးဆိုရင် စာအုပ်လေး ဘာလေး နည်းနည်းပါးပါး ၀ယ်ခဲ့တာပဲရှိတယ်၊ မိဘကို ဘာဝယ်ချင်လို့ စာအုပ်ဝယ်ချင်လို့ သင်္ကန်းဝယ်ချင်လို့ တစ်ကြိမ်တစ်ခါမျှ ပူဆာခဲ့ခြင်းမရှိခဲ့၊ မိဘကလည်း အဲဒီလောက်ကိုပင် တတ်နိုင်ဘို့ သူတို့ အတော်လေး ကြိုးစားရမည်ဆိုတာကို ငါကလည်း သိထားခဲ့။ ဘသူ့ကိုမှလည်း ဒါမျိုးမပူဆာခဲ့ မတောင်းခံခဲ့။

     တောမှာ မိုးလေ၀သ မမှန်လို့ ဒုက္ခရောက်ခဲ့တိုင်း မိဘကို ငါကူညီနိုင်သလောက်ကို အဲဒီစာသင်သား သေးသေးလေးလေး ဘ၀ထဲက ကူညီပေးခဲ့သည်။ ငါ့အသက် ၁၉-နှစ်နဲ့ ငါးလပြည့်တဲ့နေ့မှာတော့ ငါက တတိယဘ၀တစ်ခုဖြစ်တဲ့ ရှင်ရဟန်းဖြစ်ကို ရောက်ရှိခဲ့သည်၊ ငါ့ကို ရဟန်းဒကာ ရဟန်းအမပြုလုပ်ပေးကြတာကတော့ ရန်ကုန်မြို့၊ ကန်တော်ကလေးနေ ဦးဝင်းကြည်နဲ့ ဒေါ်အေးသီတို့ မိသားစုဖြစ်သည်။

     တတိယဘ၀
1989-ခုနှစ်မှာတော့ ငါက ပထမကြီးတန်းကို ကောင်းမွန်စွာအောင်မြင်ခဲ့သည်၊ အဲဒီအတွက်ကြောင့် အဲဒီနှစ်မှာ စတင်ဖွင့်လစ်တဲ့ နိုင်ငံတော်ပရိယတ္တိ သာသနာ့တက္ကသိုလ်-၀င်ခွင့်စာမေးပွဲကို ဖြေဆိုအောင်မြင်လို့ ငါအဲဒီတက္ကသိုလ် နှစ်ခု (ရန်ကုန်+မန္တလေး) ထဲက မန္တလေးမြို့ နိုင်ငံတော်ပရိယတ္တိ သာသနာ့တက္ကသိုလ်ကြီးမှာ တက္ကသီလဓမ္မာစရိယ (ဘီ၊အေ)တန်း ပဌမနှစ်ကို စတင်သင်ကြားခဲ့ရသည်၊ ဘီအေတန်းကို ပဌမနှစ်၊ ဒုတိယနှစ်၊ တတိယနှစ်၊ စတုတ္ထနှစ် (ဖိုင်နယ်) ဆိုပြီး လေးနှစ်တိုင်တိုင် ဖြေဆိုခဲ့ရပြီး သာသနတက္ကသီလဓမ္မာစရိယ (ဘီအေ)ဘွဲ့ကို ၀ိနည်းပိဋကတော်လာ စီဝရ၀ဂ်ကိုလေ့လာခြင်း ဘွဲ့ယူစာတမ်းကိုရေးလျက် လက်ခံရယူခဲ့သည်။

     အဆင့်မီမီ အောင်မြင်လို့ အမ်အေ-သာသနတက္ကသီလမဟာဓမ္မာစရိယတန်းကို တစ်ဖန်ဆက်လက် သင်ခွင့်ရခဲ့ပြန်သည်၊ ပဌမနှစ်၊ ဒုတိယနှစ် စာသင်နှစ် (၂)နှစ်နှင့် စာမေးပွဲဖြေဆိုအောင်မြင်လျက် မြတ်ဗုဒ္ဓ၏ခြေတော်ရာစက် (၁၀၈)ကွက်တို့ကိုလေ့လာခြင်း ဘွဲ့ယူကျမ်းစာကို သုံးနှစ်ကြာရေးသားလျက် သာသနတက္ကသီလမဟာဓမ္မာစရိယ (အမ်အေ)ဘွဲ့ကို လက်ခံရယူခဲ့ရပြန်သည်။

     စာမေးတိုင်းတွင် ပဌမနှစ်စာမေးပွဲမှအခြား ကျန်ငါးတန်းကို ပထမအဆင့်က နေချည်း အောင်မြင်ခဲ့သည်၊ အမ်အေတန်း ရေးဖြေပြီးသည်နှင့် ပိဋကတ်ဆိုင်ရာ မြန်မာစာပေဌာနမှာ နယဒေသက (မြန်မာစာနည်းပြ) အဖြစ် ဘွဲ့ယူကျမ်းရေးသားပြုစုရင်း တာဝန်ထမ်းဆောင်ခဲ့ရသည်။ ငါဖြစ်ချင်ခဲ့သည့် စာသင်ဆရာ တကယ်ဖြစ်ခဲ့လေပြီ။

     ပြောစရာက ငါစာမေးပွဲတွေအောင်တိုင်း နှစ်စဉ်ပဲ ငါ့အမေက အပြုံးပန်းတွေ ဆင်မြန်းလျက် ရွာလုံးနှံ့အောင် ကြော်ငြာပြီး အပျော်တွေကို ဖြန့်ဝေနေခဲ့သည်။ အဖေကတော့ ငါ့သားကြီးကတော့ဖြင့် လူဝတ်ကြောင်နဲ့လည်းတော်၊ ကိုရင်၊ ရဟန်းဖြစ်တော့လည်းတော်၊ လိမ်မာရေးခြားကလည်းရှိ၊ မိဘကိုလည်း အမြဲငဲ့စောင်းကြည့်၊ လိုအပ်သလိုအကူညီပေး၊ မွေးရကျိုးနပ်သည့် သားကြီးပါလားနဲ့ ရင်ထဲပီတိကို လူသိအောင်ပြနေနိုင်ခဲ့သည်။

     မိခင်တက္ကသိုလ်မှာ ခြောက်နှစ်ကြာ မြန်မာစာဆရာအဖြစ် ထမ်းဆောင်ပြီးတဲ့နောက် 2005 ခုနှစ်မှာ သီရိလင်္ကာနိုင်ငံ၊ ကိုလံဘိုမြို့ရှိ Buddhist and Pali University ကြီးမှာ အမ်အေတန်းကို အင်္ဂလိပ်မီဒီယာဖြင့် ထပ်မံ ပညာဆည်းပူးလျက် ထိုနှစ်စာမေးပွဲကို အောင်မြင်ကာ - အမ်အေ တစ်ခု ရရှိလျက် - အမ်အေ နှစ်ခုနဲ့ အမေ့သား၊ အဖေ့သားဖြစ်ခဲ့ပြန်သည်၊ 2006 ခုနှစ်မှာတော့ သီရိလင်္ကာနိုင်ငံ၊ ကိုလံဘိုမြို့မှာပဲ၊ Aquinas College ကနေ အင်္ဂလိပ်ဒီပလိုမာကိုအောင်မြင်ခဲ့ပြန်သည်။

     အဲဒီကနေမှတဆင့် 2007-ခုနှစ် ဇူလိုင်လက စလို့ အိန္ဒိယနိုင်ငံ၊ ဘုံဘေမြို့ (မိုဘိုင်းမြို့) ဘုံဘေတက္ကသိုလ် (University of Mumbai) ကြီးမှာ PhD ပါရဂူတန်းကို တက်ရောက်လျက် A Critical Study: Questions of the Young Boy (Kumarapanha) Based on Suttanta Pitaka and Abhidhamma Pitaka ရေးသားပြုစုနေခဲ့ကာ ယခုဆိုလျှင် ပါရဂူကျမ်းကို ရေးသားပြီးစီးလျက် ကျမ်းတင်ရက်ကို စောင့်နေရလေသည်။

     စာသင်ရင်းကနေ မိမိ၏ရရှိလာသော ပညာသင်ထူးချွန်မှုကြောင့် ရရှိလာသော လလာဘများကို တသီးတသန့်ထားရှိကာ မိဘကို ထောက်ပံ့ခဲ့သည်မှာ ယခုတိုင် မရပ်တန့်၊ နောင်လည်း ဆက်လက်ကြိုးစားပြီးမိဘကို ကူညီကျွေးမွေးနေဦးမည် ဟု သန္နိဋ္ဌာန်ချ ဆုံးဖြတ်လျက်၊

     ရွာက ဆရာတော်ဘုရားကြီးက မိမိကို ပညာအခြေခံများ စတင်သင်ကြားပေးနေစဉ်ကာလ အမေက ကျောင်းသို့ရောက်လာပြီး ခဏခဏ ပူဆာသည်၊ ကိုရင် ကိုရင့်အဖေ ဒကာကြီး အရမ်းပင်ပန်းနေပြီ၊ ကိုရင်မရှိတော့ နွားတွေက အငယ်တွေရော နွားမသားအမိတွေရောမို့မနိုင်ဘူး၊ လူထွက်ပါတော့၊ အဖေ့ကို ကူညီပေးပါတော့ ဟု မကြာခဏတောင်းဆိုတတ်သည်၊ ကိုရင့်ဆရာတော်ကြီးကလည်း ထိုသည့်အခါ ငါ့တပည့် မိဘဆိုတာ လူဝတ်နဲ့တင် လုပ်ကျွေးလို့ရတာမဟုတ်ဘူးကွ၊ ရဟန်းဘ၀၊ ကိုရင်ဘ၀နဲ့လည်း လုပ်ကျွေးကောင်းတယ်၊ မင်းစာတွေကြိုးစား၊ စာတော်သူ စာတတ်သူဖြစ်အောင်လုပ်၊ အဲဒီကျရင် မင်းမိဘကို ဒီထက် ပိုထောက်ပံ့နိုင်လိမ့်မယ်တဲ့ အဲဒီစကားက ဒီနေ့တိုင်အောင်လည်း နားထဲက မထွက်ခဲ့။

     ခုတော့ သားရဟန်းသည် မိဘနှစ်ပါးကို ၀တ္ထုပစ္စည်းတို့ဖြင့်လည်း ကျေးဇူးဆပ်နိုင်နေသည်၊ ဓမ္မနဲ့ကျေးဇူးဆပ်နိုင်နေသည်၊ ကံအားလျော်စွာ နိုင်ငံခြားပညာသင်ချိန် အွန်လိုင်း (အင်တာနက်)ကနေ အဝေးရောက် မြန်မာများကို တရားဟောခြင်းအမှု၊ တရားအလှူဓမ္မဒါနကို ပျော်ပျော်ကြီး လုပ်နေနိုင်သည်၊ ဒါလည်း မိဘကို ကျေးဇူးဆပ်ခြင်းတစ်ခုဖြစ်သည်၊ ဆရာသမားကို ကျေးဇူးဆပ်ခြင်း ဖြစ်သည်၊ ဒီအမေဒီအဖေတို့၏သွေးဖြင့် တည်ဆောက်ထားသော ဒီသားပြုပြုသမျှသော ကုသိုလ်ကောင်းမှု အစုစုသည် ဒီမိဘနှစ်ပါးတွင် မြစ်ဖျားခံလေသည်။

     စာပေတွေလေ့လာသင်ကြား၊ ဘုရားအဆုံးမတွေကို သိလေ၊ မိဘဂုဏ်ကျေးဇူးကို ပိုနားလည်လာလေနဲ့ ကိုယ့်ဘ၀ကို ကျေနပ်စွာပဲ မိဘကို အဝေးအနီး ထောက်ပံ့လုပ်ကျွေးနေခဲ့သည်၊ အရင်ကရော ထောက်ပံ့ခဲ့သည်၊ ခုလည်း ထောက်ပံ့နေသည်၊ အမေရှိသေးသည်၊ နောင်လည်း ထောက်ပံ့လုပ်ကျွေးနေဦးမည်၊ သို့သော် မိမိပညာသင်ရန်အတွက် သီးသန့် ပေးလှူဒါန်းကြသည့် ဒကာဒကာမတို့၏ ၀တ္ထုငွေကြေးတို့ကိုကား မိမိအတွက်မှ တပါး အခြားမသုံးစွဲခဲ့။

     ငယ်စဉ်ကပင် ရဟန်းဒကာ ဒကာမတို့လှူဒါန်းးသည် ၀တ္ထုငွေကြေးတိုင်းကို မိမိ ကျောင်းစာအတွက် လိုအပ်သည့် စာအုပ်များကို သူတို့ရှေ့မှာပင် ၀ယ်ယူပြသပြီး ဟောဒီစာအုပ်တွေကတော့ ဒကာကြီးနဲ့ဒကာမကြီးတို့ လှူဒါန်းသည်ငွေဖြင့် ၀ယ်ထားတာဖြစ်သည်၊ ဟောဒီဘက်က စာအုပ်ပုံကြီးကတော့ ကျုပ်ဟာကျုပ်တခြားက ရသည့်ငွေဖြင့် ၀ယ်တာဖြစ်သည်ဟု အမြဲပြောတတ်ခဲ့သည်။ ဒကာ ဒကာမများကို မိမိ လျှောက်လှမ်းသည့် ဘ၀ထဲမှာ စိတ်မကွက်စေလိုခဲ့။

     02. 12. 2009- ညနေ 8:30 ခွဲအချိန် (အိန္ဒိယစံတော်ချိန်)
အဖေဆုံးပြီတဲ့…
ရွာကသတင်းစကား၊ အင်တာနက်ကနေ လာပြောသည်၊ လာပြောသည့် အစ်မမျက်နှာမှာတော့ မျက်ရည်စတွေနဲ့ပါပဲ၊ အစ်မက မပြော၊ ဘေးက ညီမက ဖတ်ပြသည် အဖေဆေး….ဆေးရုံတက် နေတဲ့၊ မိမိက သိလိုက်ပြီ၊ အဖေသတင်း ဘာကြားလည်းပေါ့၊ အဖေသေသွားပြီ မဟုတ်လားဆိုတော့- ဒီနေ့ ညနေ မြန်မာစံတော်ချိန် ခြောက်နာရီခွဲလောက်က ဆုံးတာတဲ့…..

     အော် အဖေဆုံးပြီကို၊ ရွာကိုဖုန်းခေါ်ရသည်၊ အဖေမဆုံးခင်ကပင် ကြိုတင်စီစဉ်ထားသည့်အတိုင်း ရွာဦးကျောင်းကဦးဇင်းငယ်လေးနှင့် (ဆရာတော်ဘုရားကြီးက ရန်ကုန်ရောက်နေသည်၊ မျက်စိပြရင်း၊ သွားအံပုံလုပ်ရင်းနှင့်) တိုင်ပင်ပြောဆိုရသည်၊ လှူရေး၊ ဒါန်းရေး၊ အဖေ့အသုဘ မြေကျသည့်တိုင်၊ ရက်လည် ဆွမ်းသွပ်လုပ်ဘို့အဆုံးပေါ့၊ တည်တည်ငြိမ်ငြိမ်ပါပဲ၊ မျက်ရည်က မရှိ၊ ငိုဘို့ကို သတိမရ။

     ဘာလို့ငိုရမှာတုန်း၊ မျက်ရည်ကရော ဘာလို့ကျကြသည်ပ၊ အဲဒီမျက်ရည်ကရော တကယ်ပဲ ကျသင့်သည်လား၊ မိဘဆွေမျိုးတွေသေရင် မျက်ရည်ကျကြ ငိုကျသည်ပဲ၊ ဒါပေမယ့်… ခု ငါ…. ငါ့ မျက်ရည်၊ ငါ့မျက်ရည်တွေ ဘယ်ကိုရောက် နေသည့်ပလေ…

     မျက်ရည်တို့ကာ့း မိဘတို့ကို လုပ်ကျွေးပြုစုခြင်းဖြင့် ဟိုး…အစောပိုင်းထဲက ခန်းခြောက်နေခဲ့သည်ပဲ၊ အပူဆိုတာတွေကလည်း မိဘတို့ကို လုပ်ကျွေးခြင်းတည်းဟူသော ခေါင်းစည်းအောက်မှာ အေးခဲသွားကြသည်ပဲ။

     အော် မပြီးဆုံးသေး… အမေရှိသေးသည်၊ အမေ့ကို စောင့်ရှောက်ရဦးမည်၊ အဖေ့အစားပါ နှစ်ဆတိုးပြီး အမေ့ကို လုပ်ကျွေးရပေဦးမည်… အမေကတော့ဖြင့် ကြာရှည်လေးမြင့် သားမောင်တင့်အောင် စောင့်ပါဦးအမေ၊ သားတောင်းပန်ပါသည်…..


Post by-
02. 12. 2009
ဒေါက်တာ အရှင်သာဓိန
မင်းကွန်းတောရကျောင်းတိုက်
"အလင်းသစ် စာကြည့်တိုက် မြေနုရွာ"

" စိတ်ဓါတ် ပြိုင်ပါ "

   အပြိုင် အဆိုင်တွေက သိပ်များတဲ့ခေတ်
ကြီး ၊မာန တွေ ၊ဂုဏ်တွေ ၊ဓန တွေပြိုင်ပြီး
ဘဝကို အဆုံးမသတ်ကြ စေချင် ဘူး ၊
စိတ်ဓာတ်တွေပြိုင်ပြီး အမြင် ဆုံး စိတ်ဓာတ်
ပိုင် ရှင်တွေဖြစ်ဖို့  အ ရေးကြီးတယ်။

    စီးပွားပြိုင် တယ် ၊ကားပြိုင် တယ် ၊စသဖြင့်
ပြိုင်ကြတယ် ၊နိုင် ရင်ပြီးရော ဘယ်လိုစိတ်ဓာတ်
နဲ့ ပဲဖြစ်ဖြစ်ပေါ့ ၊နည်းလမ်းပေါင်းစုံ ၊လိမ်နည်း
ပေါင်းစုံ ၊ယုတ်မာနည်းမျိုးစုံ ၊ကောင်းကောင်း
ဆိုးဆိုး မ ရွေးဘဲ အနိုင် ရဖို့  တစ်ခုတည်းနဲ့ 
ပြိုင်ကြတယ် ၊ဘယ်ကောင်းမလဲ ၊ယုတ်ညံ့
တကာ ယုတ်ညံ့မှုတွေထဲမှာ စိတ်ဓာတ်ယုတ်
ညံ့မှုဟာ အဆိုးဆုံးပဲလေ ။

    စိတ်ဓာတ်ယုတ်တဲ့သူဟာ အ ပြောရော
အပြုအမှုရော ယုတ်ညံ့သွားပြီပေါ့ ၊စိတ်ဓာတ်
မ ကောင်းဘူးဆိုမှဖြင့် အပြုအမှုတွေ ကောင်း
စရာမရှိတော့ပါဘူး ။

    ဒါကြောင့် စိတ်ဓာတ်မြင့်မြတ်စေဖို့  ၊စိတ်
ကောင်းမွေးမြူနိုင်အောင် ကြိုးစားကြရမယ် ၊
စိတ်ကောင်းရှိတဲ့သူဟာ နေရာတိုင်းမှာ ချီးကျူး
စရာ လေးစားစရာ ဖြစ်ပါတယ်။

ဓမ္မမိတ်ဆွေများအားလုံး တရားနဲ့ မွေ့ လျှော်
တရားနဲ့ ပျော်နိုင် တဲ့စိတ်ထားကောင်းများဖြင့်
နေထိုင်နိုင်ကြပါစေ။

*ဒေါက်တာ အရှင် သာဓိန
ph.D(မွမ်ဘိုင်းတက္ကသိုလ်)*
အလင်းသစ် စာကြည့်တိုက်မှ
ပြန်လည်တင်ပြပေးအပ်ပါသည်

" ရေကြည် ရေနောက် "

ရှစ်နှစ်သားလောက်ကပေ့ါ အဖေနဲ့အတူ လယ်ရေယူဘို့ လယ်ထဲလိုက် သွားခဲ့တယ်၊ အဖေက လယ်ကတို့ပေါက် (ရေ၀င်ပေါက်)မှာ ဒုတ်တိုင်လေးတွေ စိုက်နေတယ်၊ အဲဒါကိုကြည့်ပြီး…
အဖေ… လယ်ထဲရေ၀င်အောင်လုပ်တာပဲ ဘာလို့ တိုင်တွေနဲ့ လိုက်ပိတ်နေတာ တုန်းဆိုတော့ အဖေက- ငါ့သားတဲ့ မိုးရေဆိုတော့ အရပ်လေးမျက်နှာ အရပ်ရှစ်မျက်နှာ ဒေသအသီးသီးက လာတာကွဲ့၊ ဒီထဲမှာ အမှိုက်တွေရော၊ ဒိုက်တွေရော၊ နောက်ပြီး ပိုးကောင်တွေ ဘာတွေပါလာ တတ်တယ်၊ အဲဒီလိုတွေ မလိုလားအပ်တာတွေ ပါလာရင် ဟောဒီ ကတို့ပေါက်မှာပဲ ကျန်ရစ် နေရအောင် အဖေက ဒီသစ်သားလေးတွေနဲ့ စွပ်ခံတာကွယ့် ဒီလိုစွပ်ခံထားတော့ လယ်ထဲကို ရေသန့်သန့်ရောက်တာပေါ့တဲ့…

အစ်မကြီးက ရေတွင်းက သောက်ရေခပ်ပြီး သောက်ရေအိုးထဲ ထည့်တိုင်း ရေစစ်လေးနဲ့ထည့်လေ့ရှိတယ်၊ အဲဒါ အစ်မကြီးကိုပြောမိတယ် အစ်မကြီးကလည်း ရေတွင်းကြီးက ရေက ဒီလောက်ကြည်နေတာကို ဘာလို့ရေစစ်သုံးနေလဲ…ဆိုတော့ ဟဲ့… မောင်လေးရဲ့ ရေဆိုတာ ဘယ်လောက်ကြည်ကြည် အမှုန်အမွှား နည်းနည်းပါးပါးတော့ ပါတယ်ကွယ့်၊ ခုလိုရေစစ်လေးနဲ့ စစ်ထည့်တော့ ပါလာတဲ့ အမှုန်အမွှားလေးတွေ ကျန်နေခဲ့ရောတဲ့… ဟုတ်တယ် အစ်မကြီးပြောတာ ဖြစ်နိုင်တယ်၊ ရေထည့်ပြီးတိုင်း ရေစစ်လေးမှာ နည်းနည်းလေးတော့ ညစ်ကျန်ခဲ့တာပဲ
+++++++++++++++++++++++++++++++++++++++

ကြည့်လိုက်ကြစမ်းပါဦး… ဘ၀တွေ၊ ရုန်းကန်လုပ်ရှားနေလိုက်ကြတာ၊ တစ်ချို့တွေမှာ တိုက်ကြီးတွေထဲမှာ အမိန့်သား ထိုင်စားပြီး ငွေတွေက သောက်သောက်လည်း ၀င်နေကြ၊ အရင်းအနှီးတွေကိုလည်း အမေကပေး အဖေကပေးနဲ့၊ ဆွေမျိုးတွေထဲကလည်း ဟိုကထောက်ပံ့ ဒီက ထောက်ပံ့၊ ဟော တစ်ချို့ ကြပြန်တော့ ကိုယ်တိုင် အလုပ်တွေ ကြိုးစားပန်းစားလုပ်ပြီး ဇိမ်ခံကားကြီး တွေစီး တိုက်အိမ်တွေ လေးငါးလုံးပိုင်ဆိုင်ကြလို့၊ တစ်ချို့များ ငွေတွေ သုံးမကုန် ဖြုန်းမကုန်နဲ့ ကြီးပွားလိုက်ကြတာ သူဌေးတွေပေါ့၊ ဒါက ဘ၀တစ်မျိုး…

ဟော နောက်တစ်မျိုး အလုပ်တွေ ကုန်းရုန်လုပ်ကြပါရဲ့၊ ဒါပေမယ့် ကိုယ်ပိုင် အလုပ်မဟုတ်၊ သူများက ပိုက်ဆံပေးခိုင်းတာ၊ လုပ်ရတဲ့ အလုပ်နဲ့ ရလာတဲ့ ၀င်ငွေက နည်းနည်း၊ မိသားစုကများ၊ တစ်လတစ်လကို အလျှင်မှီအောင် မသုံးနိုင်၊ သူများဆီက ချေးလိုက်၊ ငှါးလိုက်၊ ရလာတဲ့လစာငွေ ပိုက်ဆံလေးက အဲဒီကြိုသုံးထားတဲ့ ချေးငွေကိုဆပ်ပြီးတာနဲ့ အိပ်ထဲမှာ မကျန်၊ ကလေးတွေကို ကျောင်းကောင်းကောင်းမှာ မထားနိုင်၊ ပညာရေးတစ်ပိုင်းတစ်စနဲ့ ကျောင်းထွက် အလုပ်လုပ်ကြရ၊ မိမွေ ဖမွေ မလောက်မငနဲ့ ဆင်းရဲခြင်း သံသရာမှာ ဆွေစဉ် မျိုးဆက်၊ ဘ၀ဆက်…..  

ဟော နောက်တစ်မျိုးကြည့်… လမ်းဘေးမှာ အခြေတကျအိမ်မရှိ၊ ရောက်တဲ့နေရာ သူ့အိမ်လုပ်၊ ရောက်တဲ့လမ်း သူ့အိမ်ဖြစ်၊ သူများပေးမှ ကမ်းမှ စားရတဲ့ဘ၀၊ စားရတော့လည်း မလောက်မင၊ စားရတဲ့အစာက အပုပ်အသိုး၊ တစ်ခါတစ်ရံ အမှိုက်တောင်းတွေ အမှိုက်ပုံးတွေထဲမှာ အစာရှာ၊ လူမှ ဟုတ်ပါရဲ့လားလို့ တွေးထင်ရ၊ အဲဒါ တကယ်တော့ လူပါပဲ….

လောကမှာ ….
တစ်ချို့ဘုရင်ဖြစ်၊ တစ်ချို့ကျွန်ဖြစ်၊ တစ်ချို့ သူရင်းငှါး၊ တစ်ချို့လယ်ပိုင်ရှင်၊ စဉ်းစား ကြည့်တော့ သခင်နဲ့ကျွန်၊ သခင်က ပါး၊ ကျွန်ကများ၊ အဆင်ပြေမှုနဲ့မပြေမှု၊ ပြေမှုက ပါး၊ မပြေမှုက များ၊ ဘ၀တွေ ဆိုးလိုက်ကြ၊ ဘ၀တွေ ကောင်းလိုက်ကြ၊ နေကြတာကတော့ တစ်နေထဲ၊ တစ်လထဲအောက်မှာ တူတူပါပဲ၊ ဘာလို့များ ကွဲပြားကြ၊ ခြားနားကြ… အဲဒါ ဘ၀သံသရာပါပဲ။

ခွေးဖြစ်တာတောင် တစ်ချို့ခွေးက တိုက်အိမ်အပေါ်ထပ်မှာ သခင်နဲ့ တစ်တန်းထဲ စားရ၊ တစ်ခန်းထဲ အိပ်ရ၊ ခွေးအများစုက လမ်းဘေးမှာ၊ အမှိုက်ပုံမှာ၊ စွန့်ပစ်သမျှစားရ၊ မတူညီမှုတွေကို ဘယ်လိုစိတ်ထားနဲ့ တူညီအောင် ပြုနိုင်ပ၊ ဘယ်သူက သူတို့ကို ဒီလိုများဖြစ်အောင် ဖန်တီးထား၊ ဖန်ဆင်းထား ပါလိမ့်… ကူကယ်ရာ မဲ့ကြပြီတဲ့လား….
++++++++++++++++++++++++++++++++++++++

သံသရာဆိုတာကို မြတ်စွာဘုရားရှင်က အစမထင်လို့ဟောခဲ့ပြီး သံသရာရဲ့အဆုံးကတော့ ဒုက္ခခပ်သိမ်းချုပ်ငြိမ်းရာအမှန် မြတ်နိဗ္ဗာန်လို့ ဖော်ထုတ် ပေးခဲ့တယ်၊ အဲဒီလမ်းကို ရောက်အောင်သွားဘို့လမ်းကလည်း မဂ္ဂင်ရှစ်ပါး အကျင့်တရားလို့ အတိအလင်း ဆိုမိန့်ခဲ့တယ်၊ သံသရာခရီးကို တိုတိုလျှောက်ခြင် ရင်ဖြင့် ၀ိပဿနာဘာဝနာတရားတွေကို ကြိုးစားအားထုတ်၊ သတိပဋ္ဌာန် အလုပ်ကို လုပ်ဘို့မိန့်မှာတော်မူခဲ့တယ်၊ အဲဒီ ဆင်းရဲဒုက္ခတွေကို ချုပ်ငြိမ်းချင်ရင် အဲဒီလမ်းတွေကိုလျှောက်ပြီး နိဗ္ဗာန်အရောက်သွားကြတဲ့။

သံသရာက ရှည်လျားလှလေတော့ အဲဒီသံသရာခရီးခဲ သြဃ၀ဲထဲမှာ တစ်ဝဲလယ်လယ်နဲ့ နစ်မြုပ်နေကြရတာဖြင့် ဘ၀တွေ မောလှပေါ့၊ လူလည်း ဖြစ်ခဲ့တယ်၊ ကြက်လည်းဖြစ်ခဲ့တယ်၊ ငှက်လည်း ဖြစ်ခဲတယ်၊ နွားလည်း ဖြစ်ခဲ့တယ်၊ ၀က်လည်း ဖြစ်ခဲ့တယ်၊ နတ်လည်း ဖြစ်ခဲ့တယ်၊ ဒီသံသရာကြီးက အရပ်လေးမျက်နှာ အရပ်ရှစ်မျက်နှာက ရွာချလိုက်တဲ့ မိုးရေတွေလိုပါပဲ၊ တောင်ကုန်းကိုလည်း ဖြတ်ခဲ့တယ်၊ သစ်တောတွေကိုလည်း နင်းခဲ့တယ်၊ အိမ်ကြိုအိမ်ကြားကလည်း လာခဲ့တယ်၊ အမှိုက်ပုံမျိုးစုံကိုလည်း ကျော်ခဲ့တယ်၊ မစင်တွင်းတွေနားကိုလည်း ရောက်ခဲ့တယ်။

ဒီတော့ အဲဒီရေတွေထဲမှာ အမှိုက်သရိုက်မျိုးစုံပါတာပေါ့၊ ဘ၀မျိုးစုံပါ တောပေါ့၊ ဘ၀မျိုးစုံတော့ အလုပ်မျိုးစုံတာပေါ့၊ အကောင်းတွေ၊ ကောင်းတဲ့ အလုပ်တွေကိုလည်း လုပ်ခဲ့ကြတယ်၊ အဆိုးတွေ မကောင်းတဲ့အမှုတွေကိုလည်း ပြုခဲ့ကြတယ်၊ အသွေးစုံတယ်၊ အရောင်စုံတယ်၊ အနံ့စုံတယ်၊ ဖြစ်ပျက်မှုပေါင်း မရေမတွက်နိုင်နဲ့ သံသရာခရီးကို ဖြတ်ခဲ့ကြတယ်၊ ဖြတ်နေကြတယ်၊ ဖြတ်ရအုန်းမယ်။

စကားတစ်လုံးပြောမယ် ဒီနေ့သည် မနေ့ကရဲ့ အကျိုးဆက် ရလာဒ်၊ မနက်ဖြန်ခါကို တော့ဖြင့် ဒီကနေ့က ဖန်ဆင်းထားသည်၊ ဒီနေ့သည် မနက်ဖန်အတွက် ပုံရိပ်….

အတိတ်က ပြုလုပ်ခဲ့သမျှတွေဟာ ပစ္စုပ္ပန်ကို မွေးဖွားပေးလိုက်သလို၊ ဒီနေ့ ပစ္စုပ္ပန်ကလည်း မနက်ဖြန်ခါတွေဆိုတဲ့ အနာဂတ်တွေကို မွေးဖွားပေးလိုက် ဦးမည်သာ၊ သံသရာမဆုံးသရွေ့တော့ဖြင့် အတိတ်၊ အနာဂတ်၊ ပစ္စုပ္ပန်ဆိုတာ တွေကို ပိုင်ဆိုင်နေကြရပေဦးမယ်။ ဒါပေမယ့် အတိတ်ကောင်းဘို့ လိုသည် ပစ္စုပ္ပန်အတွက်၊ ပစ္စုပ္ပန်ကောင်းဘို့အရေးကြီးသည် အနာဂတ်အတွက်၊ ဒါဟာ သံသရာခရီးရှည်ကို လျှောက်ဖို့ရာမှာ အကောင်းဆုံးလျှောက်နိုင်ဘို့ နိယာမ တရားတစ်ခုပါပဲ၊ စောင့်ရှောက်ရမယ့် ထိမ်းသိမ်းရမယ့် ကြိုးစားတည် ဆောက်ရမယ် ဘ၀လည်း ဖြစ်ပါတယ်။

စီးလာတဲ့ရေတွေ သန့်ဘို့ ကြည်ဘို့ ကောင်းမွန်ဘို့ အန္တရာယ်ကင်း ဘို့ဆိုရင် ဆိုခဲ့တဲ့တိုင်း စွပ်တိုက်ပေးရမယ်၊ စွပ်ခံပေးရမယ်၊ ရေစစ် လေးနဲ့ စစ်ပေးရမယ်၊ ဘ၀ကိုရော ဘယ်စွပ်နဲ့ခံပြီး ဘယ်ရေစစ်နဲ့ စစ်ပေးလဲ………… ကံပဲပေါ့၊ ကံဆိုတဲ့စွပ်ကို ပြုပြင်ပေးရမယ်၊ ကံဆိုတဲ့ ရေစစ်နဲ့စစ်ပေးရမယ်၊ ဒီလိုလုပ်မှသာ ဘ၀ဟာ သန့်ပေမယ်၊ ကြည်ပေမယ်၊ အန္တရယ်ကင်းပေမယ်ပေါ့။

အတိတ်က ဘာတွေလုပ်ခဲ့တယ်ဆိုတာကို ပုထုဇဉ်သာမန်တွေ ဖြစ်လေတော့ မမြင်နိုင်ကြဘူးလေ၊ အကောင်းတွေလည်းပါ၊ အဆိုးတွေလည်း ရှိခဲ့မှာ အမှန်ပါပဲ၊ အကောင်းအဆိုးတွေထဲက အကောင်းတွေ မလာဘဲ အဆိုးတွေချည်း လာနေလို့ ဘ၀က ဆိုးနေတာကိုး၊ ဘ၀ကောင်းချင်ရင် အဆိုးတွေ ဝေးစေချင်ရင်ဖြင့် ခု ရောက်နေတဲ့နေရာကနေ ဘ၀ကိုပြင်ရမယ်၊ ကံကို ပြင်ရမယ်၊ ကံကို ကောင်းအောင်လုပ်ရမယ်။ ကံဆိုတာ ဘာပါလိမ့်….

ကံဆိုတာက အလွယ်ပြောရရင် ပြုလုပ်ခြင်းပါပဲ၊ အင်္ဂလိပ်စကားလုံး လေးနဲ့ပြောရရင်တော့ တစ်လုံးထဲနဲ့ ရှင်းသွားရော အက်ရှင် (Action) တဲ့၊ လုပ်ရှားတာပေါ့၊ အလုပ်ပေါ့၊ မြန်မာလိုပြောရရင်တော့ စားတာ၊ သွားတာ၊ လုပ်တာကိုင်တာ၊ ပြောတာ ဆိုတာ၊ တွေးတော စဉ်းစားတာ၊ အားလုံးဟာ ကံပဲပေါ့။

ဒါကို စာပေနဲ့ သရုပ်ခွဲကြည့်ရရင်တော့-
၁။ ကာယကံ = ကိုယ်နဲ့ လုပ်တဲ့ အလုပ်
၂။ ၀စီကံ = နှုတ်နဲ့ ပြောတဲ့ အလုပ်
၃။ မနောကံ = စိတ်နဲ့ တွေးတဲ့ အလုပ်
အဲဒါဟာ ကံပါပဲ၊ အလုပ်ကောင်းရင် အပြောကောင်းရင် အဲ… အပြောကောင်း တာထက် အကောင်းပြောရင်၊ အကောင်းတွေးရင် ကံကောင်းတာပေါ့၊ အဲဒါတွေ မကောင်းရင်တော့ ကံမကောင်းဘူးဆိုရမယ်လေ။

လူတစ်ယောက်ပေါ့၊ ဗုဒ္ဓဘာသာကို ယုံကြည်တဲ့သူတစ်ယောက်ဆို ရင်တော့ အဲဒီထဲက ကာယကံဆိုတာမှာ မကောင်းမှု ဒုစရိုက်လို့ခေါ်တဲ့ကံ သုံးမျိုးရှိတယ်၊ သူများအသက်ကို သတ်တာရယ်၊ သူများဥစ္စာကို ကိုယ် နှုတ် နှလုံး သုံးမျိုးနဲ့ မပေးပါဘဲ ယူတာရယ်၊ အဲဒါကို ခိုးတယ်ခေါ်တယ်၊ နောက်ပြီး သူများ သားမယားကို ကျူးလွန်တာ၊ ပြောရရင် ကာမဂုဏ်နဲ့စပ်ပြီး မှားမှား ယွင်းယွင်း ပြုမူတာပေါ့၊ အဲဒီသုံးမျိုးကို ကာယဒုစရိုက် = ကိုယ်နဲ့ကျူးလွန် ပြုမူတဲ့ မကောင်းမှု ဒုစရိုက်သုံးပါးလို့ခေါ်တယ်၊ အကုသိုလ်ကံ - မကောင်းတဲ့ ကံပေါ့။

နောက်တစ်ခုက ၀စီကံ = နှုတ်နဲ့ပြောဆိုပြုမူတဲ့ မကောင်းမှု အကုသိုလ် ဒုစရိုက် လေးမျိုးရှိပြန်တယ်၊ အဲဒါတွေကတော့ မဟုတ်တာ မမှန်တာကို ပြောဆိုတာ၊ သူတပါးချစ်နေတာ ခင်နေတာကို အချစ်ပျက် အခင်မင်ပျက်အောင် ကုန်းတိုက်စကားပြောဆိုတာ၊ ကြမ်းကြမ်းတမ်းတမ်းပြောဆိုတာ၊ နောက်ဆုံး အရည်မရ အဖက်မရဆိုတဲ့ သိမ်ဖျင်းတဲ့စကား အကျိုးတရား တစ်စုံတစ်ရာ မရှိတဲ့စကားကို ပြောဆိုတာတွေဖြစ်တယ်။

နောက်ဆုံး မနောကံ = စိတ်နဲ့ကြံစည်တာ၊ တွေးတောတာ၊ အဲဒါနဲ့ ပတ်သက်ပြီးတော့ သုံးမျိုးရှိတယ်၊ သူတစ်ပါး ပိုင်ဆိုင်နေတဲ့အရာတွေ စည်းစိမ်ချမ်းသာမှုတွေ ငါ့ဟာဖြစ်ရင် ကောင်းမှာပဲဆိုတဲ့ စိတ်၊ သူတစ်ပါး စီးပွား ဥစ္စာကို ပျက်ပြားစေလိုတဲ့စိတ်၊ နောက်ဆုံးအယူမှားမှု အဲဒီသုံးမျိုးကိုတော့ မနောဒုစရိုက်သုံးပါးလို့ခေါ်တယ်၊ စိတ်နဲ့ တွေးကြံပြုလုပ်တဲ့ အကုသိုလ်ဒုစရိုက်ပေါ့။

အဲဒီအကုသိုလ် ဒုစရိုက်မှုဆယ်ပါးကို ပြန်ပြောင်းပြီး ကုသိုလ်သုစရိုက် ဖြစ်လိုတယ် ဆိုရင်ဖြင့် လွယ်လွယ်လေးပါ၊ အဲဒီအလုပ်တွေကို မလုပ်ဘဲ ရှောင်ကြဉ်လိုက်၊ အဲဒီမကောင်းမှု ဆယ်မျိုးကို ပြောင်းပြန်လုပ်ကြည့်လိုက်- ရှင်းရှင်းလေးပါ-
၁။ သူ့အသတ်မသတ်နဲ့
၂။ သူ့ဥစ္စာမခိုးနဲ့
၃။ သူ့အိမ်ရာ သူ့သားမယား မစော်ကားနဲ့၊ မကျူးကျော်နဲ့
၎။ မဟုတ်တာ မမှန်တာ မပြောနဲ့
၅။ သူများကို ချောပစ် ကုန်းချောစကားမဆိုနဲ့
၆။ ကြမ်းတမ်းတဲ့စကားတွေ မပြောနဲ့
၇။ သိမ်ဖျင်းတဲ့ အကျိုးမရှိတဲ့စကား မပြောနဲ့
၈။ သူတစ်ပါးဥစ္စာကို မတရား လိုချင်စိတ်မဖြစ်စေနဲ့
၉။ သူတစ်ပါး အကျိုးစီးပွား ပျက်ပြားရာ ပျက်ပြားကြောင်း မကြံမိစေနဲ့
၁၀။ အယူမမှားစေနဲ့၊ အယုံမမှားစေနဲ့

အဲဒီလိုဆိုရင် ကံ-စင်ကြယ်သွားပြီ၊ အကုသိုလ်ကံ မကောင်းကံ မဟုတ်တော့ဘူး၊ ကောင်းကံဖြစ်သွားပြီ၊ အဲဒါလေးနဲ့ကျေနပ်နေမလားဆိုတော့ မကျေနပ်ပါနဲ့ဦး၊ ကုသိုလ် ပုညတွေ ပြုကြရဦးမယ်- အဲဒါတွေကို ပုညကြိယာဝတ္ထုဆိုပြီး စာစကား နဲ့ ခေါ်တယ်၊ လိုက်နာရမယ်၊ ပြုကျင့်ရမယ်၊ ဒါမှ ဘ၀ဖြစ်လာရကျိုးနပ်မယ်၊ ဗုဒ္ဓဘာသာလူသားအဖြစ် ကျေနပ်နိုင်မယ်၊ ရေတွက်ကြည့်ရအောင်-
၁။ ဒါန = ပေးကမ်း လှူဒါန်း စွန့်ကြဲရမယ်
၂။ သီလ = ကိုယ် နှုတ် စိတ်ကို လုံခြုံအောင် စောင့်ထိန်းရမယ်
၃။ ဘာဝနာ = သမထဘာဝနာ ၀ိပဿနာဘာဝနာ နှစ်ပါးကို ပွားများ အားထုတ်ရမယ်
၎။ အပစာယန = ဘုရား တရား သံဃာ ရတနာမြတ်သုံးပါးတို့နှင့်မိဘ ဆရာသမား
 အသက်ဂုဏ်ဝါ ကြီးမြတ်သူတို့ကို ရိုသေလေးစား ၀ပ်တွားရမယ်
၅။ ဝေယျာဝေစ္စ = ဘုရား တရား သံဃာ ရတနာမြတ်သုံးပါးတို့နှင့်တကွ မိဘ
ဆရာသမား အသက်ဂုဏ်ဝါ ကြီးမြတ်သူတို့အတွက် ၀တ်ကြီးဝတ်ငယ်ပြုလုပ်ပေးရမယ်
၆။ ပတ္တိဒါန = အလှူပေးသော ကောင်းမှုကုသိုလ်ပြုသောသူသည် မိမိပြုသော ကုသိုလ်ကောင်းမှုစေတနာကို ခပ်သိမ်းသော ပုဂ္ဂိုလ်သတ္တ၀ါအားလုံး ရကြပါစေဟု ရည်သန်လျက် အမျှပေးဝေရမယ်
၇။ ပတ္တာနုမောဒန = အလှူပေးသော ပုဂ္ဂိုလ်တစ်ယောက်ယောက်က
သူ၏ ကုသိုလ်ကောင်းမှုအတွက် အမျှအတမ်းပေးဝေသည့် အခါ ရရှိရောက်ရှိလာသော ထိုကုသိုလ်ကောင်းမှုစေတနာ ကို ၀မ်းမြောက်ဝမ်းသာ သာဓု သာဓု သာဓု အနုမောဒနာ ခေါ်ဆိုရမယ်
၈။ ဓမ္မဿဝန = တရားဒေသနာတော်များကို နာကြားရမယ်
၉။ ဓမ္မဒါန = တရားဟောကြားခြင်း တရားအလှူပေးခြင်း လုပ်ရမယ်
၁၀။ ဒိဋ္ဌိဇုကမ္မ = အယူဝါဒကို ဖြောင့်မှန်စွာယူရမယ်၊ အယူမမှားအောင်
 ကြိုးစားရမယ်

ကံတွေနောက်နေသည်၊ ကံတွေ နောက်လို့ဘ၀နောက်လေသည်၊ ကံမကောင်းလို့ ဘ၀တွေ မကောင်းဖြစ်နေသည်၊ ဘ၀ကောင်းအောင် ကံကိုပြင်ရမည်၊ နောက်နေသည့် ကံကို ကြည်အောင် သန့်အောင် ပြန်ပြင်ရမည်၊ ဒီအတိုင်း ကံအတိုင်းသာဟု ပုံချပြီး မကောင်းလည်း ကံ၊ ကောင်းလည်း ကံ ပေါ့ ဆိုရင်ဖြင့် ကံ-ကို တကယ်မယုံသေးလို့သာဖြစ်သည်၊ ကံကိုတကယ်ယုံလျှင် ကံကို မိမိလိုသလိုပြုပြင်နိုင်ရမည်၊ အရပ်လေးမျက်နှာ အရပ်ရှစ်မျက်နှာ အရပ်ဆယ်မျက်ကနေ ရောက်ရှိလာသော မိုးပေါ်ကရွာချလိုက်သည့် ရေတွေဟာ ပြောခဲ့တဲ့တိုင်း ချောင်းကိုဖြတ်သည်၊ တောင်ကိုကျော်သည်၊ သစ်တောတွေထဲမှာ တ၀ဲလည်လည်နေခဲ့သည်၊ အိမ်ကြိုအိမ်ကြား၊ အမှိုက်ပုံများ အကြား၊ မစင်တွင်းတွေအနား၊ နေရာအသီးသီးမှ ရောက်ရှိလာသည်၊ သူ့ကို ကြည်အောင် သန့်အောင် စွပ်ခံပေးရသည်၊ ရေစစ်တွေ အမျိုးမျိုးနဲ့စစ်ပေးရသည်။ အဲဒီအခါ လိုချင်သော ရေကောင်းရေသန့်ရရှိလာသည်၊ ဟုတ်ပါလေစွ….။

ဘ၀ပေါင်းများစွာ သံသရာမှာကျင်လည်ခဲ့ရသည့်အတွက် အမျိုးစုံသော ဘ၀တွေမှာ အလုပ်စုံခဲ့သည်၊ ကာယကံ၊ ၀စီကံ၊ မနောကံတွေမှာ အဖြူချည်းမဟုတ်၊ အရောင်အမျိုးမျိုးဆိုးခဲ့သည်၊ အသန့်ချည်းမဟုတ်၊ အုတ်အရောရော ကျောက်အရောရော ဖြစ်ခဲ့၊ အဲဒါတွေသန့်အောင် ပြန့်အောင်၊ ကံကောင်းလေးတွေ ကံသန့်သန့်လေးတွေ မိမိထံရောက်လာအောင်ဆိုရင် ပစ္စုပ္ပန် ယခု လက်ရှိဘ၀လေးကို ပြုပြင်ပေးရမည်၊ အတတ်နိုင်ဆုံး ကံကိုကောင်းအောင် အလုပ်တွေကောင်းစေရမည်၊ အတိတ်ကံမကောင်းခဲ့လို့ ဒီဘ၀ မကောင်းရတာကိုသာ တွေးပူ၊ အရာရာ ကံကိုချည်းလွှဲချနေကာ ထိုင်ငိုင် ထိုင်တွေး၊ အဆွေးကြီးဆွေးနေမယ်ဆိုရင်တော့ ကံသည် ကိုယ့်အတွက် ဖြစ်လာတော့မည် မဟုတ်…

အသက်မရှိတဲ့ မိုးပေါ်က ရွာချတဲ့ရေတွေကိုပင် ကိုယ်လိုရာအရပ်ကို ရောက်အောင် မြောင်းဖောက်ပေးပြီး ဆွဲယူနိုင်တယ်ဆိုရင် အသက်ရှိတဲ့ ဒို့လူသားတွေလည်း လုပ်ခဲ့ဘူးတဲ့အရာတွေထဲက မကောင်းတာတွေပြင် ကောင်းတာတွေ ၀င်ရောက်လာအောင် ဒို့လုပ်တဲ့အလုပ်တွေကို သန့်ရှင်းအောင် မပြုနိုင်ကြတော့ဘူးလား၊ ပြုနိုင်တာပေါ့၊ လူပဲ အသိရှိတယ်၊ ပညာရှိတယ်၊ ဇွဲ လုံ့လ ၀ီရိယ ရှိတယ်၊ ရခဲတဲ့လူ့ဘ၀ရှိတယ်၊ လယ်မြေကောင်းသဖွယ်ဖြစ်တဲ့ သံဃာ့အဖွဲ့အစည်းရှိတယ်၊ အားထားရာအမှန် ကိုးကွယ်ရာအစစ် ရတနာသုံးပါးလုံး အထင်အရှားရှိနေတယ်၊ သံဃာတော် အရှင်သူမြတ်တွေက ဘုရားရှင်ရဲ့တရားတွေကို ဒို့ကိုတစ်ဆင့် ပြန်ပေးနေတယ်၊ ဘ၀နေနည်း နိသျှည်းတွေကို ပုံစံအမျိုးမျိုးနဲ့ ကြိုးစားကာ ဖြန့်ဝေပေးနေတယ်၊ ဒီနေ့က မီဒီယာခေတ်၊ စနစ်သစ်ကြီးနဲ့ အင်တာနက်တွေက တစ်ဆင့် ဘယ်နိုင်ငံ ဘယ်ဒေသကိုရောက်ရောက် ဒို့တွေ ဒို့တရားကို ရောက်ရာအရပ်က နာယူနိုင်တယ်။

ကာယကံကိုစင်အောင်စစ်၊ စင်အောင်ဆေး၊ ၀စီကံကိုကောင်းအောင်လုပ်၊ ကောင်းအောင်ပြော၊ အကောင်းတွေပဲပြော၊ မနောကံကို ဖြူစင်အောင် ဆုံးမ၊ သန့်ရှင်းအောင် စောင့်ထိန်း၊ လုပ်တော့မယ်ဆိုတဲ့ အလုပ်မှန်သမျှကို မလုပ်ခင် ဒီလိုလေး ဆင်ခြင်လိုက်-

ခု ငါလုပ်မယ့်အလုပ်ဟာ ငါ့ကိုထိခိုက်မလား၊ ဒါမှမဟုတ် သူများကို ထိခိုက်မလား၊ ဒီလိုမှမဟုတ် နှစ်ဦးနှစ်ဖက်လုံးကိုပင် ထိခိုက် အကျိုးယုတ် လေမလား စဉ်းစား၊ အဲဒီလိုထဲက တစ်ခုခုကို တစ်ဖက်ဖက်ကို ထိခိုက်ပြီ အကျိုးယုတ်စေပြီဆိုရင်တော့ အဲဒီအလုပ်ကို မလုပ်နဲ့တော့၊ လုပ်နေရင် ရောက်တဲ့နေရာမှာ ရပ်ပစ်လိုက်….

ပြောတော့မယ်ဆိုရင်လည်း ဒီလိုပဲဆင်ခြင်- ခု ငါပြောမယ်စကားဟာ ကြားရသူ တစ်ယောက်ယောက်ကို ထိခိုက်လေမလား၊ အကျိုးယုတ်စေမလား၊ ငါ့ကိုပဲ အကျိုးယုတ် ထိခိုက်လေမလား၊ နှစ်ဦးနှစ်ဖက်လုံးကိုများ အကျိုးပျက်စေ ထိခိုက်လေမလား စဉ်းစား၊ တစ်ခုခု တစ်ဖက်ဖက် ထိပြီ အကျိုးယုတ်စေပြီ ဆိုရင်ဖြင့် အဲဒီစကားမပြောနဲ့တော့၊ ပြောနေရင်လည်း ရပ်ပစ်လိုက်တော့…

စိတ်အကြံလည်း ဒီလိုပါပဲလေနော၊ မကြံခင် မတွေးခင်မှာ စဉ်းစားဆင်ခြင်ပေါ့၊ ဒါနဲ့ပြီးပြီလား၊ မပြီးသေးဘူး၊ လုပ်ပြီးရင် ပြောပြီးရင် ကြံတွေးပြီးရင်လည်း ထပ်ခါ ထပ်ခါ စဉ်းစားပါ၊ ငါလုပ်ခဲ့တဲ့အလုပ်၊ ငါပြောခဲ့တဲ့စကား၊ ငါတွေးခဲ့တဲ့ အကြံစည်တွေ တစ်ဦးတစ်ယောက်ကိုများ ထိခိုက်ခဲ့ အကျိုးယုတ်စေခဲ့သလား၊ ဒါမှမဟုတ် ငါ့ကိုများ အကျိုးယုတ်စေ ထိခိုက်စေခဲ့သလား၊ ဒီလိုမဟုတ်ဘဲ နှစ်ဦးနှစ်ဖက်လုံးကို အကျိုးယုတ်စေ ထိခိုက်စေခဲ့သလား၊ တစ်ခုခုကို ထိခိုက်ခဲ့ပြီ၊ တစ်ယောက်ယောက်ကို တစ်ဖက်ဖက်ကို ထိခိုက်စေခဲ့ပြီ အကျိုးယုတ်စေခဲ့ပြီ ဆိုရင်ဖြင့် နောင်ကို ဒီလိုမျိုး ငါဘယ်တော့မှမလုပ်ဆိုပြီး ရှောင်ကြဉ်လိုက်ပါတော့…

အင်း ဒီလောက်ဆိုရင် ကံကို ကြည်စေအောင်၊ ကံကောင်းအောင် လုပ်တတ်လောက်ပြီထင်ပ၊ အကောင်းပဲဖြစ်ဖြစ် အဆိုးပဲဖြစ်၊ တကယ်စင်စစ် ဧကန် တရားခံအမှန်ကတော့ ကိုယ်ပဲဆိုတာကို သိနေရပေမယ်ပ၊ ဘယ်သူကမှ ကိုယ့်ကိုမဖန်ဆင်းနိုင်ပါဘူး၊ ကိုယ့်စိတ် ကိုယ့်ကံတွေကသာ ကိုယ့်ကို ဖန်တီး ပေးနေတာ ဖန်ဆင်းပေးနေတာပါ၊ ကိုယ့်စိတ်ကပဲ ကိုယ့်ကံကပဲ ကိုယ့်ကို ကောင်းအောင် ဖန်၊ ကောင်းအောင် ကြံ၊ ကောင်းအောင် ပြုပေးနိုင်တာပါပဲ။  

အတိတ်ဆိုတာက ပစ္စုပ္ပန်ကို မွေးဖွားပေးလိုက်သလို၊ အနာဂတ်ဆိုတာ ကိုလည်း ပစ္စုပ္ပန်က မွေးဖွားပေးလိမ့်ဦးမယ်၊ ဒီနေ့ဟာ မနေ့ကရဲ့ အကျိုးဆက် မျိုးဆက် ဖြစ်သလို မနက်ဖြန်ခါဆိုတာကလည်း ဒီနေ့ရဲ့ပုံရိပ်တစ်ခုပါပဲ၊ မျိုးဆက်တစ်ခုပါပဲ….

ဒါကြောင့် ရှေးဆရာတော်ဘုရားကြီးများက မိန့်ကြားခဲ့တယ်၊ ဘုရားစကားအတိုင်းပဲပေါ့…
ရှေးကကောင်းလို့ ခုကောင်းတယ်၊ ခုကောင်းရင် နောင်ကောင်းပါလိမ့်မယ်…
ရှေးက မကောင်းလို့ ခုမကောင်းတယ်၊ ခုမကောင်းရင် နောင်မကောင်းပါလိမ့်မယ်… တဲ့

ကဲ….
ရေကြည်လား၊ ရေနောက်လား….
ကံကြည်လား၊ ကံနောက်လား….
ရေကြည်သောက်၍ ကံသန့်သန့်ကို ပိုင်ဆိုင်ကြပါစေ

09-12-2009
ဒေါက်တာ အရှင်သာဓိန
မင်းကွန်းတောရကျောင်းတိုက်
ရွှေတောင်ကြား(၂)ရပ်ကွက်,ဗဟန်း

Posted by
Alinnthit Library

" ရွှေနှစ် ရွှေသား ရွှေစကား (3) "

   ကျေးဇူးရှင် မြေနုရွာမြောက်ကျောင်းနှင့်
ရန်ကုန်မြို့မင်းကွန်းတောရကျောင်း
ဆရာတော်ကြီး ဘဒ္ဒန္တရာဇိန္ဒမဟာထေရ်၏
ရွှေနှစ် ရွှေသား ရွှေစကား

   ဆရာတော်ကြီးသည် စာရေးသူနှင်တကွ
တပည့်အပေါင်းတို့အပေါ်
အလွန်ကျေးဇူးများသောဆရာတော်တစ်ပါးဖြစ်သည်။

   စာရေးသူတို့ကို ပန်းအလှလေးတွေဖြစ်အောင်
ချိုမြိန်သောသစ်သီးလေးတွေလိုဖြစ်အောင်
ပြုစုပျိုးထောင်မြေတောင်မြောက်ပေးခဲ့သော
ဥယဉ်းမှုးတစ်ဦးနှင့် တူသည့်ဆရာတစ်ဆူလဲဖြစ်သည်။

   ဥယဉ်မှုးသည်
သူစိုက်ပျိုးသည့်ပန်းအလှကို သူမနမ်း
ပန်းအလှပျက်မှာ သူစိုးရိမ်သည်။
ဥယဉ်မှုးသည်
သူစိုက်ပျိုးသည့် သစ်သီးကို သူမစား
သူများစားဖို့သာ သူစိုက်ပျိုးခဲ့သည်။

   ခု
သူစိုက်ပျိုးခဲ့သည့် ပန်းအလှများ
သစ်သီးပန်းမာန်များကို
သူမြင်တွေ့ခွင့်
သူနမ်းရှိုက်ခွင့်
သူစားသုံးခွင့်မရရှိတော့ပေ။
ဥယဉ်မှုးနှင့်တူသော
ဆရာတော်၏ အနီးတွင်နွေရာသီတိုင်း
စာရေးသူ အနီးကပ်ပြုစုခွင့်ရခဲ့သည်။

   အနီးကပ်ဆုံးမသြ၀ါဒ ခံယူခွင့်ရခဲ့သည်။
ကံကောင်းလှပါပေ၏။
သင်ယူ၍မကုန်နိုင်သော
သင်ဆရာ
မြင်ဆရာ
ကြားဆရာ
ဟု တင်စားပြောဆိုချင်ပါပေသည်။

   ဆရာတော်သည်
တပည့်အပေါင်းကို
ကျန်းမာချမ်းသာ၍
ပညာတော်ပြီး
ပေါင်းသင်းဆက်ဆံရေးကောင်းမွန်အောင်
အမြဲဆိုဆုံးမမှုပေးခဲ့ပါသည်။

   ဆရာတော်၏ ပေါင်းသင်းဆက်ဆံမှုတွင်
အမြဲလိုလိုသင်ကြားသော
 သြ၀ါဒမှာ
"နှုတ်ကောင်လျှင်ပြည်စိုး
ချစ်စေလို ခံတွင်းလက်လေးသစ်။
မုန်းစေလို ခံတွင်းလက်လေးသစ်။
မှတ်ထားကွ
ပေါင်းသင်းဆက်ဆံရေးမှာ
အရေးကြီးတာက ဒီပါးစပ်ပဲ
ကိုယ့်ကိုချစ်စေတာလည်း
ဒီပါးစပ်။
ကိုယ့်ကိုမုန်းစေတာလည်း
ဒီပါးစပ်ပဲ။
နှုတ်က အပြောအဆိုကောင်းရင်
မင်းတောင်ဖြစ်နိုင်တယ်။
ဒါကြောင့်
စိတ်ထားကောင်းပြီး
အပြောအဆို မတက်သူမဖြစ်စေနဲ့
စိတ်ထားကောင်းပြီး
အပြောအဆို ရည်မွန်ုပြီး
ပညာတက်ဖြစ်အောင် ကျိုးစား"
ဟူသတည်း။

   စာရေးသူအတွက်
ဘ၀နတ်နန်းစံမြန်းတ်ာမူပြီးဖြစ်သော
မြေနု ရွာမြောက်ကျောင်းနှင့်
ရန်ကုန်မြို့
မင်းကွန်းတောရဆရာတော်ဘုရားကြီး၏
အလွန်တန်ဖိုးရှိသော
ရွှေနှစ် ရွှေသား ရွှေစကားများ
ပင်ဖြစ်ပါတော့သည်။

စာရေးသူ-တပည့် က၀ိန်
အလင်းသစ် စာကြည့်တိုက်
alinnthitlibrary.blogspot.com

" ရွှေနှစ် ရွှေသား ရွှေစကား (2) "

 

 ကျေးဇူးရှင် မြေနုရွာ
တောင်ကျောင်းဆရာတော်ကြီး
ဘဒ္ဒန္တသုစရိတ မဟာထေရ်၏
ရွှေနှစ် ရွှေသား ရွှေစကား

   ဆရာတော်ကြီးသည်
စာရေးသူနှင့်အကြွမ်းတ၀င်
မရှိလှသော်လည်း
စာရေးသူငယ်စဉ်ကပင်
ဆရာတော်နောက်လိုက်အဖြစ်
ရွာတောင်ကျောင်းမှ
ဆရာတော်၏ဇာတိ တောင်ဖီလာရွာသို့
အခေါက်ခေါက်အခါခါရောက်ရှိခဲ့ဖူးပါသည်။

   သို့သော်ကျောင်းသားအဖြစ်နှင့်မဟုတ်
တောင်ကျောင်းတောင်ဖက်
စာရေးသူတို့တောင်ယာတွင်
တောင်ယာလုပ်ငန်းလုပ်ကိုင်နေချိန်
မိဘတွေအတွက်
အကူအညီလိုက်မိသောနေ့တွေမှာ
ဆရာတော်ကြီးမှ အဖော်ကျောင်းသားအဖြစ်
ခေါ်ခေါ်သွားခြင်းဖြစ်သည်။

   ဆရာတော်ကြီး သူ့ဇာတိရွာကိုအသွားဖြစ်ဖြစ်
ဇာတိရွာကအပြန်ဖြစ်ဖြစ်
သင်စရာရှိ သင်သလို
ကြွေးစရာရှိ ကြွေးပြီး
ပေးစရာရှိလျှင်လည်း
ဆရာတော်ကြီးမှာ
ချက်ချင်း ပေးကမ်းရက်ရောတက်သော
ဆရာတော်တစ်ပါးဖြစ်သည်။

   စာရေးသူအတွက်
ပညာတက်ဖြစ်ဖို့
အားပေးတိုက်တွင်းသလို
ကျန်းမာရေးမှာလည်း
အရေးကြီးကြောင်း
မီးမောင်းထိုးပြပေးခဲ့သော
ဒုတိယမြောက်
သင်ဆရာ
မြင်ဆရာ
ကြားဆရာပင်
ဖြစ်ပါသည်။

   ဆရာတော်ကြီး
မြေနုနှင့်
တောင်ဖီလာ
ခနခနသွားရခြင်းအကြောင်းကို
စာရေးသူငယ်စဉ်က
မေးခဲ့ဖူးပါသည်။
ဆရာတော်ပြန်ဖြေခဲ့သော
သြ၀ါဒမှာ
"ဟဲ့ မောင်ကျောင်းသား
အာရောဂျံ ပရမံ လာဘံ တဲ့ကွ။
ကျန်းမာခြင်းက လာဘ်တစ်ပါးပဲ။
ကျန်းမာရေးမကောင်းရင်
ဘာအလုပ်မှ မလုပ်နိုင်ဘူး။
ကျန်းမာရေးမကောင်းရင်
သူများလည်းဒုက္ခပေးရာရောက်တယ်။
ကျန်းမာရေးကောင်းမှ အလုပ်လုပ်နိုင်မယ်။
ကျန်းမာရေးကောင်းမှ
သူများလည်းစိတ်ချမ်းသာမယ်။
ကျန်းမာရေးကို အထူးဂရုစိုက်ကွ။

   အေးငါလည်း
ခုလိုခနခန
ဟိုရွာနဲ့ဒီရွာကူးလူးသွားလာလမ်းလျှောက်နေတာက
ကျန်းမာရေးကောင်းဖို့အတွက်ပဲ။
မောင်ကျောင်းသား
မင်းအမြဲတန်းမှတ်ထားကွ။
ကျန်းမာရေးကောင်းဖို့
လမ်းများများလျှောက်
ရေများများသောက်
တည့်တဲ့အစား အကုန်စား"
ဟူသတည်း။

   စာရေးသူအတွက်
ဘ၀နတ်နန်းစံမြန်းတော်မူပြီးဖြစ်သော
မြေနုတောင်ကျောင်းဆရာတော်ကြီးပေးထားခဲ့သည့်
အလွန်တန်ဖိုးရှိသော
ရွှေနှစ် ရွှေသား ရွှေစကားများ ပင်ဖြစ်ပါတော့သည်။

စာရေးသူ - တပည့် က၀ိန်
အလင်းသစ် စာကြည့်တိုက်
alinnthitlibrary.blogspot.com

" ရွှေနှစ် ရွှေသား ရွှေစကား (၁) "

  ကျေးဇူးရှင် မြေနုရွာ
ရွာရှေ့ကျောင်းဆရာတော်ဘုရားကြီး
ဘဒ္ဒန္တ ၀ိနယမဟာထေရ်၏
ရွှေနှစ် ရွှေသား ရွှေစကား

   ဆရာတော်ကြီးသည်
တပည့်အပေါင်းတို့အပေါ်၌
အလွန်ပညာတက်စေချင်သော
ဆရာတော်တစ်ပါးဖြစ်သည်။
စာရေးသူမှာ သူငယ်တန်းအောင်ပြီး
နွေရာသီကျောင်းပိတ်ရက်တွင်
ဘုန်းတော်ကြီးကျောင်းသို့
ပဌမဆုံးပညာသင်ယူခဲ့သော
လောကုတ္တရာ
ဆရာတစ်ဆူလဲဖြစ်သည်။

   ဆရာတော်၏
စိတ်စေတနာ/မေတ္တာတို့ကြောင့်
စာရေးသူတို့ရွာတွင်
ပညာသင်ယူရမည်
ပညာတက်အောင်ကျိုးစားရမည်
ပညာကိုအားကိုးပြီး
အသက်မွေးဝမ်းရမည်ဟု
အသိပညာစတင်ပေးခဲ့သော
ပညာလိုလားသည့်
သင်ဆရာ
မြင်ဆရာ
ကြားဆရာပင်ဖြစ်သည်။

   ရွာအပြန်ဆရာတော်ဖူးတွေ့စဉ်ဖြစ်ဖြစ်
ဆရာတော်ရန်ကုန်ရောက်လျှင်ဖြစ်ဖြစ်
တပည့်အပေါင်းတို့အား
အမြဲလိုလိုဆိုဆုံးမသော
သြ၀ါဒမှာ
"သူ့ကျောင်းနေ သူ့စာအံ
ကောင်းအောင်နေ
တော်အောင်ကျိုးစား
စည်းကမ်းလိုက်နာ"
ဟူသတည်း။

   စာရေးသူအတွက်
ဘ၀နတ်နန်းစံမြန်းတ်ာမူပြီးဖြစ်သော
မြေနု ရွာရှေ့ကျောင်းဆရာတော်ဘုရားကြီး၏
အလွန်တန်ဖိုးရှိသော
ရွှေနှစ် ရွှေသား ရွှေစကားများ
ပင်ဖြစ်ပါတော့သည်။

စာရေးသူ-တပည့် က၀ိန်
အလင်းသစ် စာကြည့်တိုက်
alinnthitlibrary.blogspot.com

" ချမ်းမြသီတဂူ သွေးအလှူ "

 

ပါရမီပြည့်ရန် စိတ်ရည်သန်၍
   စေတနာထား မေတ္တာအားဖြင့်
      သဒ္ဓါကြည်ဖြူ ပေး၍လှူမည်
         ချမ်းမြသီတဂူ သွေးအလှူ

ဝေဒနာရှင်ကို ကူညီလို၍
   ကိုယ်ကျိုးမပါ ကရုဏာဖြင့်
      အားငယ်နေသူ ဖေးမကူမည်
         ချမ်းမြသီတဂူ သွေးအလှူ

လူတိုင်းကျန်းမာ ချမ်းသာစေဖို့
   စုပေါင်းညီညာ မုဒိတာဖြင့်
      သူ,ငါ ကောင်းမှု ဆက်လက်ပြုမယ်
         ချမ်းမြသီတဂူ သွေးအလှူ



လွတ်လပ်မောင် (စလင်း)
သီတဂူ ကမ္ဘာ့ဗုဒ္ဓတက္ကသိုလ်
2015 နှစ်ပါတ်လည် မဂ္ဂဇင်းတွင်ဖော်ပြပြီး
"စာရေးသူ၏ ပထမဆုံးသော ဘာသာရေး ကဗျာ"

Posted by -
Ashin Kavinda
Alinnthit Library (16-6-16)

" ပရဟိတအလုပ်ဖြင့် သမိုင်းတစ်ခေတ်မှာ မှတ်တမ်းတင်နိုင်ဖို့ "

     ပရဟိတဟူသည်
ပရ=သူတစ်ပါး၊ ဟိတ=အကျိုးစီးပွါး၊
ပရဟိတ=သူတစ်ပါးအကျိုးစီးပွါး။
အဓိပ္ပါယ်လွယ်ကူအောင်ဖွင့်ဆိုပါက
ပရဟိတကို အများအကျိုးစီးပွားကိုဆောင်ရွက်ခြင်းဟု သိနိုင်ပါသည်။ ပရဟိတအလုပ်သည် ကိုယ်ကျိုးအတွက်မပါဘဲ အခြားတစ်ယောက်၏အကျိုး၊ သို့မဟုတ် လူအများ၏
အကျိုးစီးပွားကို
ဆောင်ရွက်ချင်သောသဒ္ဓါ၊ဆောင်ရွက်နေသောဝီရိယ၊ဆောင်ရွက်ဖြစ်သောသတိ၊ဆောင်ရွက်နိုင်သောသမာဓိ၊ဆောင်ရွက်တတ်သောပညာ၊
ဤဗိုလ်ငါးပါးခေါ် ဗလငါးတန်နှင့်ပြည့်စုံဖို့ လိုအပ်သည်။

ထို့ပြင် သူတော်ကောင်းဥစ္စာခုနှစ်ပါးဖြစ်သော ကံ၊ကံ၏အကျိုးကိုယုံကြည်မှုသဒ္ဓါ၊
မကောင်းမှုမှ ရှောင်ကြဉ်သော
သီလ၊လောက၀ဇ္ဇကိုနားလည်လွယ်သောသုတ၊တွန့်တိုမှုကင်းသောစွန့်လွှတ်ခြင်းစာဂ၊လောကုတ္တရာရေးရာနှင့်လောကီရေးရာ၊နိုင်ငံရေးနှင့်လူမှုရေးစသောအရာရာတိုင်းကိုအသိအလိမ္မာဥာဏ်ပညာဖြင့်
ခွဲခြမ်းစိတ်ဖြာနိုင်သော ပညာ၊ မကောင်းမှုပြုလုပ်ခြင်း၊ပြောဆိုခြင်း၊
ကြံစီခြင်းမှ ရှက်တတ်သောဟိရီ၊ကြောက်တတ်သော သြတ္တပ္ပ ဤတရားတို့နှင့်ပြည့်စုံပါက
ပရဟိတလုပ်သူများအဖို့ ပို၍ချီးကျူးဖွယ်ရာ ဖြစ်ပေမည်။

ပရဟိတလုပ်ဆောင်သူများတွင် အစောဆုံးနှင့် အများဆုံးပြုလုပ်ခဲ့သူမှာ(B.C 600
စုနှစ်တွင်ပေါ်ထွင်းခဲ့သော)
ဗုဒ္ဓဘုရားရှင်ဟုပြောဆိုပါကအများအားဖြင့်လက်ခံကြမည်ထင်ပါသည်။ဘုရားရှင်သည်ဒီပင်္ကရာဘုရားပွင့်ရာကာလသုမေဓာရှင်ရသေ့ဘ၀မှသည်ဝေဿန္တရာမင်းဘ၀တိုင်အောင်သောလေးသင်္ချေနှင့်ကမ္ဘာတစ်သ်ိန်းကာလပတ်လုံးအလောင်းတော်ဘ၀နုစဉ်အခါကပင်ဝေနေယျသတ္တ၀ါများအပေါ်ပါရမီဆယ်ပါး၊အပြားသုံးဆယ်၊စွန့်ခြင်းကြီးငါးပါး၊စရိယသုံးပါးတို့ကို
ဖြည့်ကျင့်၍ အများအကျိုးအတွက်ပရဟိတလုပ်ခဲ့သည်။

နောက်ဆုံးဂေါတမနွယ်ဝင်သိဒ္ဓတ္ထမည်တွင်ဘုရားရှင်ဘ၀မှာလည်းသက်တော်(၂၉)နှစ်အရွယ်မှသက်တော်
(၃၅)နှစ်အရွယ်ထိ(၆)နှစ်တိုင်တိုင်ခက်ခဲလှစွာသောဒုက္ကရစရိယာကိုကျင့်ခြင်းသည်ဥာတတ္ထစရိယနှင့်လောကတ္ထစရိယကို
ရည်ရွယ်၍ အတ္တတ္ထစရိယကို ဖြည့်ကျင့်ခြင်းဖြစ်သည်။ ဘုရားဖြစ်ပြီးချိန်မှ
ပရိနိဗ္ဗာန်ပြုသည်အထိ ၀ါတော်(၄၅)၀ါအတွင်း သံသရာဝဲသြဃမှာ နစ်မွန်းပျော်ပါးပြီး
လမ်းမှားရောက်နေသော သတ္တ၀ါများအကျိုး
အတွက်မင်္ဂလသုတ်၊သိင်္ဂါလောဝါဒသုတ်စသောလူမှုကျင့်ဝတ်ဘာသာမှသည်သစ္စာလေးပါးမြတ်တရားကိုမဏ္ဍိုင်ပြု၍
သံသရာမှထွက်မြောက်ခြင်းကို လမ်းညွှန်ပြီး ကုဋေပေါင်းများစွာသော သတ္တ၀ါများကို
နိဗ္ဗာန်ပန်းတိုင်သို့
ဝင်ရောက်စေခဲ့ခြင်းသည်တုနှိုင်းမရသောအနှိုင်းမဲ့ပရဟိတလုပ်ဆောင်သူဟုဆိုထိုက်ပေမည်။ဘုရားရှင်ဟောကြားခဲ့သော
ဓမ္မနှင့် ၀ိနယခေါ် ကျင့်ဝတ်စီးကမ်းနှင့် တရားဓမ္မတို့သည်လည်း
ဟောကြားပြီးချိန်မှစ၍ ယခုအချိန်ထိလောကသားတိုင်းအပေါ် ထာဝရကျေးဇူးရှိနေသော
ပရဟိတလမ်းညွှန်မှုများ အများအပြားပင် ဖြစ်သည်။ထိုတရားဓမ္မများမှ
လူတိုင်းလိုက်နာကျင့်သုံးသင့်သော တရားဓမ္မများမှ “ပြည့်စုံသူနှင့် မပြည့်စံသူ
ရှိသူနှင့်မရှိသူတို့အပေါ်ခွဲခြားဆက်ဆံမှုမရှိတူညီသောချစ်ခြင်းပေးနိုင်သည့်မေတ္တာ၊မပြည့်စုံသူ၊မရှိသူတို့အပေါ်ကူညီထောက်ပံ့လိုသည့်ကရုဏာ၊မိမိပြုလုပ်လိုက်သောကူညီမှုကြောင့်တခဏတာပင်ဖြစ်စေသက်သာရာရသွားသူတို့အပေါ်ဝမ်းမြောက်မိသည့်မုဒိတာ၊မိမိ၏ကောင်းမှုပြုခြင်းအပေါ်မနာလိုမရှုစိတ်ဖြင့်
ဝေဖန်ပုတ်ခတ်နေသော  ပါတ်ဝန်းကျင်ကိုလည်း ဥပေက္ခာပြုပြီး “ ဤဗြဟ္မစိုရ်တရားလေးပါးနှင့်
အများအကျိုးဆောင်ရွက်ပါက လူ့တာဝန် ကျေပြွန်သော မဟာလူသား ပရဟိတ လုပ်သူ ဟု
ခေါ်စမှတ်ပြုရပေမည်။

မြတ်ဘုရား၏ ပရဟိတ လမ်းညွှန်ချက်များကို ဆရာတော် သံဃာတော်များ၊ တပည့်ဒါယကာ
ဒါယိကာမများ
အစဉ်အဆက်လက်ဆင့်ကမ်းထိန်းသိမ်းလာခဲ့ကြရာယနေ့မျက်မှောက်ခေတ်ကာလတွင်သီတဂူအဓိပတိဆရာတော်ကြီးသည်
ပရဟိတလုပ်သူများ၏ ဦးဆောင်ဆရာတော်ပင်ဖြစ်သည်။ သီတဂူဆရာတော်ကြီးကို
မြန်မာနိုင်ငံသားအများစုက *“လူ့ဘ၀ကြီးထဲကိုအများအကျိုးဆောင်ရွက်နိုင်ဖို့အတွက်
မွေးဖွားလာသူ”* ဟုပြောဆိုကြသည်။

ဆရာတော်ကြီးသည် လူအများပြောဆိုသည့်အတိုင်း
အများအကျိုးဆောင်ရွက်ရာမှာ စေတနာကိုအရင်းခံ၊၀ါသနာကိုအကြောင်းပြ၊
အရာရာတိုင်းမှာလည်း အနစ်နာခံနိုင်သူဖြစ်၍ နာသုံးနာနှင့်ပြည့်စုံပြီး ပရဟိတအလုပ်ဖြင့်ပင် ပျော်မွေ့နေသူဖြစ်သည်။

               ငါတို့ဖြစ်ရ၊ဤလောက၀ယ်

               ဘ၀သမိုင်း၊ မရိုင်းစေရန်

               စိတ်မာန်မချ၊ မာနမပါ

               တို့စွမ်းရာဖြင့်၊ တို့သာသနာ

               တို့ပြည်ရွာကို၊ သာယာစေမှု

                လုံ့လပြုအံ့။
ဟူသော သီတဂူအဓိဌ္ဋာန်ကို လက်ကိုင်ပြု၍
သီတဂူဆရာတော်ဦးဆောင်မှုအောက်တွင် သီတဂူသာသနာပြုအဖွဲ့မှ လက်တွေ့အကောင်အထည်ဖော်သော စစ်ကိုင်း၊မန္တလေး၊ရန်ကုန်တို့တွင် သီတဂူ ကမ္ဘာ့ဗုဒ္ဓတက္ကသိုလ်များ၊ အများပြည်သူကျန်းမာရေးအတွက် နိုင်ငံတ၀ှမ်း
ဖွင့်လှစ်ပြီး ဖွင့်လှစ်ဆဲဖြစ်သော အခမဲ့ကုသိုလ်ဖြစ်ဆေးရုံပေါင်း (၂၀)ကျော်၊ ကလေးများ၏ပညာရေးအတွက် စာသင်ကျောင်းပေါင်းများစွာနှင့် သီတဂူရေပေးဝေရေးအလှူများသည် ထင်ရှားသောပရဟိတ အလုပ်များပင် ဖြစ်သည်။

သီတဂူဆရာတော်ကြီးပြီးလျှင် လေးစားအားကျဖွယ်ကောင်းသော ပရဟိတလုပ်ဆောင်သူမှာ
နာရေးကူညီမှုအသင်း၏ ဦးကျော်သူပင်ဖြစ်သည်။
"အနိမ့်ကျဆုံးသော ကုသိုလ်မျိုးသည်
မြင့်မြတ်သောစိတ်ဓာတ်ရှိသူတို့၏ အလုပ်ဖြစ်သည်” ဟုခံယူထားသော
ဦးကျော်သူဦးဆောင်သည့်နာရေးကူညီမှုအသင်းသည် လူမျိုးဘာသာမရွေး ဆင်းရဲချမ်းသာမရွေး ခုနှစ်ရက်သားသမီးတို့၏ နာရေးကိစ္စအ၀၀ကို
အခမဲ့ကုသိုလ်ဖြစ်လုပ်ဆောင်နေသလို ကျန်းမာရေးချို့တဲ့သူများအတွက်လည်း
အခမဲ့ကုသိုလ်ဖြစ်ဆေးခန်းတို့ကို ဖွင့်လှစ်၍ ကျန်းမာရေးစောင့်ရှောက်မှု ပေးနေသော ပရဟိတအသင်းအဖွဲ့ဖြစ်သည်။ ထိုနာရေးကူညီမှုအသင်းသည်
 
အရွယ်အလိုက်
အဖိုးမထိုက်သော၊
အရိုးသာရင့်၊
ဥာဏ်မပွင့်သော၊
အသက်သာတိုး၊
အသိမတိုးသော၊
အချိန်သာဆုံး
လူမသုံးသော
အယူသီး အစွဲမှား မိစ္ဆာဒိဌ္ဋိ အယူရှိသူများနှင့် အမှန်အမှား
အကောင်းအဆိုးကို ခွဲခြားမသိသော အချို့သော အစိုးရပိုင်း ဌာနအရာရှိများ၏
အတားအဆီး အနှောင့်အယှက် အဟန့်အတားများကြားမှ ခန္တီ+မေတ္တာကို ကျင့်သုံး၍ ပရဟိတ
အလုပ်ကို ခက်ခက်ခဲခဲ လုပ်ဆောင်နေကြရသည်။ မည်သို့ပင်ဖြစ်စေ
နာရေးကူညီမှုအသင်းသည် စစ်ကိုင်းရွှေဟင်းသာဆရာတော်ဘုရားကြီး၏
*အများအကျိုး၊ရွက်သည်ပိုးက
ခနိုးခနဲ့၊ဆိုးကဲ့ရဲ့လည်း၊
မဖဲ့မစောင်း၊ ကိုယ့်လမ်းကြောင်းကို၊
စိတ်ကောင်းနှင့်ယှဉ်၊ရှေးရှုနှင်လော့…*
ဟူသည့်အဆုံးအမ
သြ၀ါဒလင်္ကာအတိုင်း အများစု၏နှိမ့်ချကဲ့ရဲ့ဝေဖန်မှုကို အလေးမမူ၊အမားစု၏ အယူသည်းမှုများကို အာရုံမပြု
အများစု၏ ဖိအားပေးမှုကို ဂရုမစိုက်ဘဲ အများအကျိုးအတွက်
ရဲဝင့်စွာဆက်လက်ချီတက်နေမည့် ပရဟိတအသင်းဖြစ်သည်။

ကမ္ဘာပေါ်တွင် ပရဟိတလုပ်ဆောင်သူများ၏ ရှေ့သွားခေါင်းဆောင်များဖြစ်သော
ခရစ်ယာန်ဆရာမကြီး မာသာထရီဆာ၊ မိမိပိုင်ဆိုင်သည့်ငွေများမှ ထက်ဝက်မက လှူဒါန်းပြီးဖြစ်သော
ကမ္ဘာ့အချမ်းသာဆုံးသူဌေးကြီး ဘီလ်ဂိတ်တို့၏ ဆာလောင်နေသူများ၊အ၀တ်မဲ့
အစားမဲ့များ၊အိုးမဲ့အိမ်မဲ့များ၊မသန်စွမ်းသူများ၊ရောဂါဝေဒနာရှင်များအတွက် မိဘမဲ့ကျောင်းများ၊AIDS
ဂေဟာများ၊ကင်ဆာဖောင်ဒေးရှင်းများ၊ပေးကမ်းစွန့်ကျဲရေးဌာနများဖွင့်လှစ်၍ ပရဟိတလုပ်ဆောင်မှုများမှာ လေးစားအားကျအတုယူဖွယ် ဖြစ်သည်။
ထိုကမ္ဘာကျော်ပရဟိတ လုပ်ဆောင်သူများနည်းတူ မိမိတို့မြန်မာနိုင်ငံတွင်လည်း
သီတဂူသာသနာပြုအဖွဲ့၊ နာရေးကူညီမှုအသင်း၊ ဦးလှထွန်း
မေတ္တာရိပ်မွန်(ကင်ဆာ)ဖောင်ဒေးရှင်း၊ ရွှေပါရမီကျန်းမာရေးဖောင်ဒေးရှင်း၊
ပြေတီဦး ပညာရေးဖောင်ဒေးရှင်း စသောပရဟိတလုပ်ဆောင်သူများ၊ပရဟိတအဖွဲ့အစီးများမှာ
နိုင်ငံ့ဂုဏ်ကျက်သရေအသွင်တည်ရှိနေမည်ဖြစ်သည်။ တစ်ဦးကောင်းတစ်ယောက်နှင့်
လုပ်ယူ၍မလွယ်ကူနိုင်သည့်အတွက် အားလုံး
ဝိုင်းဝန်းကူညီပါဝင်ဆောင်ရွက်ကြဖို့လိုသည်။ ဓမ္မပိယဆရာတော်၏
ပရဟိတအလုပ်များဝိုင်းဝန်းကူညီပူးပေါင်းပါဝင်ဖို့အတွက်

မင်းမပါ၊ဘယ်ဟာမပြီး၊
မင်းချည်းတော့လည်း၊ဘယ်ဟာမပြီး၊
သူမပါ ဘယ်ဟာမပြီး၊
သူချည်းတော့လည်း ဘယ်ဟာမပြီး၊
ငါမပါ ဘယ်ဟာမပြီး၊
ငါချည်းတော့လည်းဘယ်ဟာမပြီး၊
မင်း,သူ,ငါ ညီညာစုံမှ၊အလုံးစုံ အကုန်ပြီး၊ပြုကြစုစည်း
ဟု ထီးဆောင်းဆရာတော်ရေးသည့် ကဗျာတစ်ပုဒ်ဖြင့် တိုက်တွန်းထားပေသည်။

ထိုသို့သော ပရဟိတ အသင်းအဖွဲ့များ များများပေါ်ပျောက်လေ နိုင်ငံနှင့်ပြည်သူ
များများအကျိုးရှိလေဖြစ်၍ ရဟန်းရှင်လူ ပြည်သူအများ ပူးပေါင်းပါဝင်ပြီး
ပရဟိတအလုပ်ဖြင့် သမိုင်းတစ်ခေတ်မှာ မှတ်တမ်းတင်နိုင်ဖို့
တိုက်တွန်းလိုက်ပါသည်။ ။

                           
Posted by-
Ashin Kavinda
Alinnthit Library (16-6-16)                  
*လွတ်လပ်မောင်(စလင်း)*
*အလင်းသစ် စာကြည့်တိုက်*
*သီတဂူ ကမ္ဘာ့ဗုဒ္ဓတက္ကသိုလ်*
*(2014) နှစ်ပါတ်လည် မဂ္ဂဇင်းတွင်ဖော်ပြပြီး*
*စာရေးသူ၏ ဒုတိယမြောက် ဘာသာရေးဆောင်းပါး*


  *ကိုယ်ရေးအကျဉ်း*

*၁။ ဘွဲ့= အရှင်က၀ိန္ဒ*

*၂။ကလောင်= လွတ်လပ်မောင် (စလင်း)*

*၃။No.= SIBA.YGN-000468*

*၄။Class = Intermediate Level 2014*

*၅။School= SITAGU ACADEMY *

" သူတော်ကောင်းတရား နေရာတိုင်းမှာ ထွန်းတောက်ပါစေ "

     မြတ်စွာဘုရား၏ မဟာသာဝကဖြစ်တော်မူသော အရှင်မဟာကဿပ ရဟန္တာမထေရ်မြတ်ကြီးသည် ဘုရားရှင်ပရိနိဗ္ဗာန်ပြုပြီးနောက် "တာဝန်သိသူမှာ တာဝန်ရှိသည်"ဟူသော ခံယူချက်ဖြင့် အနာဂါတ်သာသနာရေးအတွက် အရှင်အာနန္ဒာ,အရှင်ဥပါလိစသော ရဟန္တာငါးရာ ဦးဆောင်လျှက် ဘုရင်အဇာတသတ်မင်ကြီး၏ အထောက်အပံ့ခံယူကာ ဘုရားရှင်ဟောကြားခဲ့သော တရားတော်များ ဘုရားရှင်ပညတ်တော်မူခဲ့သော ၀ိနည်းဥပဒေများကို တာဝန်သိသိ"ပထမ သင်္ဂါယနာ"တင်တော်မူခဲ့သည်။ ထေရ၀ါဒသာသနာသမိုင်းတွင် (၆)ကြိမ်တိုင်တိုင် မြတ်စွာဘုရား၏ ဓမ္မနှင့် ၀ိနယများကို ဦးဆောင်သူနှင့် လိုက်ပါသူ, ဆရာနှင့် ဒကာ ဟန်ချက်ညီစွာ သင်္ဂါယနာ အဆက်ဆက် တင်တော်မူခဲ့သည်။

     ယခုလက်ရှိ သာသနာတော်တွင်လည်း ဆရာတော်အမျိုးမျိုး ဒကာအထွေထွေ သာသနာတော်ကို အားကြိုးမာန်တက် ချီးမြောက်ထောက်ပံ့မှုတွေ ပြုလုပ်နေကြသည်၊ သို့သော် ပြုလုပ်သူများမှာ ရာနှုံးအားဖြင့် နည်းပါးနေသေးသည်ဟု သုံးသပ်မိပါသည်။ သာသနာတော်အတွက် ဆောင်ရွက်ချက်များမှာလည်း ဦးဆောင်သူနှင့်လိုက်ပါသူ,ဆရာနှင့် ဒကာ သဘောထား ညီညွတ်စွာဖြင့် ပြုလုပ်နေမှုက ပို၍ပင် နည်းပါးလေ၏။ ယခင် အတိတ်ကာလမှာ အာရှတိုက်ကို "အရိယတိုက်(မြင့်မြတ်သော ကျွန်းကြီး" ဟု ခေါ်စမတ်ပြုကြသော်လည်း ယခုခေတ် ဘာသာကြီးလေးခုတွင် ဗုဒ္ဓဘာသာသည် မွတ်ဆလင်ဘာသာ,ခရစ်ယန်ဘာသာ, ဟိန္ဒူဘာသာတို့နောက် ရောက်ရှိနေသည်ကား ထင်ရှားသော ဥပမာတစ်ခုဖြစ်သည်။ ဗုဒ္ဓဘာသာမှလွှဲ၍ ကျန်ဘာသာကြီးများ အားကောင်းလာသော်လည်း မိမိတို့ဗုဒ္ဓဘာသာမှာ တိုးတက်မလာပဲ ရပ်တန့်နေသည်ဟု ခံစားမိပါသည်။

     ကမ္ဘာပေါ်တွင် ထေရ၀ါဒငါးနှိုင်ငံ (မြန်,ထိုင်း,သီရိလင်္ကာ,ကမ္ဘောဒီးယား,လာအို) နှင့် တရုတ်,ဂျပန်,တောင်ကိုးရီးယားစသော နိုင်ငံအများစုတွင် နိုင်ငံရေး, စီးပွါးရေး,ပညာရေးများ တိုးတက်အားကောင်းလာသော်လည်း  ဘာသာရေးဘက်မှာတော့ အားနည်းနေသည်ဟု ဆိုရပေမည်။ ဘာသာရေးတိုးတက်မလာခြင်းသည် ဦးဆောင်သူဆရာနှင့် လိုက်ပါသူဒကာများမှာ အဓိကတာဝန်ရှိသည်ဟု ပြောပါက လွန်မည်မထင်။ ဆရာသည် သာသနာအတွက် ချီးမြောက်ရာတွင် ရှေ့သို့ ဖြောင့်တန်းစွာ ဦးဆောင်သကဲ့သို့ ဒကာသည်လည်း နောက်မှ တည့်မတ်စွာဖြင့် အတူလက်တွဲ လိုက်လာဖို့လိုအပ်သည်။
မြန်မာနိုင်ငံရှိ ဆရာတော်အများစုမှာ မိမိကျောင်တွင် စာချစာသင်,ဥပုသ်နေ့ သီလပေး,လှူရေးတန်းရေးရှိမှ အနုမောဒနာတရားဟောကြားပြီး မိမိကိုယ်မိမိ သာသနာပြုနေသည်ဟု အဟုတ်ကြီး ထင်မှတ်နေကြသည်။ နောက် ဆရာနည်းအတူ အစိုးရမင်းမှစပြီး အောက်ချေလူတန်းစားအထိ ဒကာအများစုမှာလည်း အသုဘရှိမှ ဆွမ်းသွပ် အလှူပေး,လပြည့်လကွယ်ရောက်မှ ဥပုသ်စောင့်,သင်္ကြန်းတွင်းရောက်မှ တရားစခန်းဝင်နေလျှင်ဖြင့် ဒီသာသနာတို့တက်လာဖို့ လမ်းမမြင်။ ဆရာတော်သံဃာများသည်လည်း တိုးတက်လာသော ခေတ်စနစ်နှင့်အညီ ဘာသာရေးများ ဦးဆောင်မှု,သင်ကြားမှု,ဖြန့်ဝေမှုများ အဓိကထားလုပ်ဆောင်ဖို့ လိုအပ်သလို အစိုးရပိုင်းဆိုင်ရာ အဖွဲ့အစည်းများကလည်း သီရိလကာင်္နိုင်ငံကို အတုယူကာ မသင်မနေရ မလုပ်မနေရ ဘာသာရေးစနစ်တစ်ခုအဖြစ် "ဖြစ်နိုင်လျှင် ဖွဲ့စည်းပုံ အခြေခံ ဥပဒေမှာပင် ပြဋ္ဌာန်းပေးပြီး" အားပေးချီးမြောက် ထောက်ပံ့ဖို့ လိုအပ်ပါသည်။

   မွတ်ဆလင်ဘာသာအများစုနေထိုင်သော အီရန်နိုင်ငံတွင် တက်လာသော သမ္မတများမှာ မွတ်ဆလင်ဘာသာရေးဆရာများ၏ အဆုံးအမများအတိုင်း သေဆို သေ,ရှင်ဆို ရှင် လိုက်နာရပေ၏။ ထို့အတူ ခရစ်ယန်ဘာသာဝင် အနောက် ဥရောပနိုင်ငံအများစုတွင်လည်း ပုတ်ရဟန်းမင်းကြီးစသော ဘာသာရေးဆရာများ၏ အဆုံးအမများအတိုင်း နိုင်ငံကိုဦးဆောင်နေကြပါသည်။ စာရေးသူတို့မြန်မာနိုင်ငံမှာတော့ ဆရာတော်သံဃာတော်များ၏ သာသနာရေးဆောင်ရွက်ချက်များ စွမ်းစွမ်းတမံ အားထုပ်နေပါသော်လည်း ဒကာအများစုတွင် ရှေ့မှ ဦးဆောင်ဖို့နေနေသာသာ နောက်ကပင်မလိုက်ချင်ကြပေ။ အခြားသောဘာသာဝင်များ၏ အစိုးရမင်းများကဲ့သို့ ဘာသာရေးဆရာတော်များ၏ သြ၀ါဒကို မခံယူချင်နေပါ,မလိုက်နာချင်နေပါ၊ သို့သော် ဆရာတော်သံဃာတော်များ၏ ဘာသာရေးဆောင်ရွက်မှု သာသနာရေးအလေးထားမှုများကိုတော့ မဖျက်ဆီးကြပါနှင့်ဟု ပြောပါရစေ။

     စောစောပိုင်း နှစ်တွေက လက်ပန်းတောင်းအရေးမှာ ဆရာသံဃာတော်များကို "ပွင့်လင်းသော ညှိနှိုင်းမှု,မှန်ကန်သော ဖြေရှင်းမှုတို့ဖြင့် မကျိုးစားပဲ မျက်ရည်ယိုဗုံးဟု ဆိုသော်လည်း မီးလောင်စေသောဗုံးဖြင့် နှိပ်စက်မှုသည် ထေရ၀ါဒ ဦးဆောင်နိုင်ငံဟု ကြွေးကျော်ထားသော မိမိတို့နိုင်ငံမှာ အလွန်အင်မတန် အရှက်ရစေသော သမိုင်းဆိုးအပြုအမူတစ်ခုပင်"ဖြစ်သည်။ ဤသို့သော အမှားမျိုး နောင်မကြူးလွန်ဖို့ လိုအပ်သလို ဆရာသံဃာတော်များသည်လည်း ဘာသာသာသနာအရေး တိုင်ပြည်နှင့်လူမျိုးအရေးများကို ကိုင်တွယ်ဖြေရှင်းလိုပါလျှင် ကျေးဇူးရှင် သီတဂူဆရာတော်ကြီး မိန့်ကြားသကဲ့သို့ "စီတန်းလှည့်လည်ခြင်း ဆန္ဒထုပ်ဖော်ခြင်းထက် သံဃာများစွာစုဝေးပြီး စုပေါင်းလက်မှတ်ထိုး၍ သမ္မတဆီတိုင်ကြားခြင်း"မျိုးဖြင့် ဆရာဒကာ ပဋိပက္ခမများအောင် ဘာသာလူမျိုးသိက္ခာရှိအောင် ပြောင်းလဲလုပ်ဆောင်သင့်ပါသည်။

     ထို့နောက် ဆရာသံဃာတော်များ တပည့်ဒကာ ဒကာမများအပေါ် ဆိုဆုံးမလျှင် သူတော်လာအောင်,သူကောင်းလာအောင်,သူတော်ကောင်းလေးများဖြစ်လာစေဖို့ သူတော်ကောင်း လက္ခဏာနှင့်အညီ ဆိုဆုံးမရန် စာရေးသူအကြံပြုလိုပါသည်။ စာရေးသူ ငယ်စဉ်က ရခဲ့ဖူးသော ကဗျာအပိုင်းအစလေးကို အမှတ်ရမိပါသည်။

"သူတော်ကောင်း သူတော်ကောင်း သူတော်ရင်လည်း ကိုယ်ကကောင်း ဒါမှ သူတော်ကောင်း"
"သူတော်ကောင်း သူတော်ကောင်း သူမတော်လည်း ကိုယ်ကကောင်း ဒါမှ သူတော်ကောင်း"
"သူတော်ကောင်း သူတော်ကောင်း သူတော်အောင်လည်း ကိုယ်ကကောင်း ဒါမှ သူတော်ကောင်း"
ဟု မှတ်သားမိဘူးပါသည်။

      ဤကဗျာအဆိုအရ သူတော်ကောင်းလေးတွေဖြစ်လာစေဖို့ မိမိကစပြီး "သူတော်ရင် ကိုယ်ကောင်းသလို သူမတော်လည်း ကိုယ်ကောင်းနိုင်ပြီး သူတော်လာအောင်လည်း ကိုယ်ကောင်းဖို့"လိုအပ်ပါသည်၊ ဆရာသံဃာတော်များသည် ငယ်စဉ်ကစပြီး ဗုဒ္ဓဘာသာပညာရေးများ သင်အံလေ့ကျက်ခဲ့သည့်အတွက် သူတော်ကောင်းဓါတ်ခံရှိပြီးသူများဖြစ်၍ တပည့်ဒကာများအပေါ် "သူတော်ကောင်းလေးများ ဖြစ်လာစေဖို့" ဆိုဆုံးမကြပါဟု တိုက်တွင်းအပ်ပါသည်။

     ယနေ့ လူသားအားလုံးသည် မွေးဖွားလာပြီး အသိဉာဏ်လေးရလာချိန်မှစ၍ ပညာ,ဥစ္စာ,ရာထူး,အာဏာ,အောင်မြင်မှု,ကျော်ကြားမှု,ချမ်းသာမှုများကို လိုချင်နေကြပေသည်။ ထိုပညာ,ဥစ္စာ,ရာထူး,အာဏာများကို ရှာဖွေရာတွင်လည်း သူတော်ကောင်းတို့ မချီးမွမ်းသော,သူတော်ကောင်းလမ်းစဉ်မှ သွေဖယ်သော "အမှောင်မောဟ ဖုံးလွမ်းသော"ရှာဖွေနည်းများဖြင့် မရှာသင့်ပေ။

     အမှောင်မောဟသည် (၃)မျိုးရှိရာ
(၁)အပရိပတ္တိမောဟ=အမှန် အမှား,အကောင်း အဆိုး လုံးဝမသိသောမောဟ
(၂)၀ိပရိပတ္တိမောဟ=အမှန်ကို အမှား,အမှားကို အမှန်,အကောင်းကို အဆိုး,အဆိုးကို အကောင်းဟု ဆန့်ကျင်လျှက်သိနေသောမောဟ
(၃)၀ိဇ္ဇာပရိပတ္တိမောဟ=အမှန် အမှား,အကောင်း အဆိုးကို ခွဲခြားသိနေသော်လည်း ငါ့အတွက် အကျိုးရှိလျှင် အမှန်, ငါ့အတွက် အကျိုးမရှိလျှင် အမှား, ငါ့အတွက် အကျိုးဖြစ်လျှင် အကောင်း, ငါ့အတွက် အကျိုးမဖြစ်လျှင် အဆိုးဟု ဆိုးရွာစွာသိနေသောမောဟ တို့ပင်ဖြစ်သည်။

     ဤမောဟသုံးမျိုး ဖုံးလွှမ်းမိသော,ဤမောဟသုံးမျိုးဖြင့် ရှာဖွေမိသော ပညာ,ဥစ္စာ,ရာထူး,အာဏာတို့သည် ယခုပစ္စုပ္ပန်ဘ၀တွင်လည်း စိုးရိမ်သောက ဗျာပါဒများဖြင့် ဘ၀ဆုံးရပြီး,နောင်သံသရာတွင်လည်း သုဂတိရောက်ဖို့မလွယ် အပါယ်ငရဲသို့သာ သက်ဆင်းတက်၍ "မောဟသုံးပါးမှ လွတ်အောင်ကျိုးစားကာ မိမိ အသိအလိမ္မာ ဉာဏ်ပညာဖြင့် အမှန်အမှား အကောင်းအဆိုးများကို တွေးတောဆင်ခြင်ပြီး" သူတော်ကောင်းတရားများ လိုက်နာကျင့်သုံးသော ပညာရှိသူတော်ကောင်းများ ဖြစ်လာရန် ကျိုးစားသင့်ပါသည်။

     နိုင်င်ငံတစ်ခုတွင် မည်မျှပင် ပညာရေး စီးပွါးရေး အားကောင်းစေကာမူ ကိုယ်ပိုင်ယဉ်ကျေးမှုနှင့် ဘာသာရေးအနှစ်သာရ သူတော်ကောင်းတရားမရှိပဲ အေးချမ်းသာယာသော နိုင်ငံအဖြစ် ပြီးပြည့်စုံသောနိုင်ငံအဖြစ် မရပ်တည်နိုင်ပေ။ မြတ်စွာဘုရားဟောကြားခဲ့သော ဓမ္မသောဏ္ဍကဇာတ်တော်ကို သာဓကထုပ်တင်ပြရလျှင်

     ဘုရားလောင်း ဓမ္မသောဏ္ဍကမင်းကြီး ကဿပဘုရားရှင်၏ သာသနာပကာလ၌ မေတ္တာတရားလက်ကိုင်ထားပြီး တိုင်းပြည်အုပ်ချုပ်မင်းလုပ်နေသော်လည်း
ပွင့်တော်မူပြီးသော ဘုရားရှင်များ၏ သူတော်ကောင်းတရားများ မနာကြားရသည့်အတွက် မိမိကိုယ်မိမိ ပြီးပြည့်စုံသည်ဟု မထင်မှတ်၍ စိတ်နှလုံးပင်ပန်းတော်မူခဲ့ဖူးသည်။ ဘုရားလောင်း ဓမ္မသောဏ္ဍကမင်းကြီးသည် သူတော်ကောင်းတရားနာကြားရဖို့အတွက်
စစ်သူကြီးရာထူး သူဌေးရာထူး အိမ်ရှေ့မင်းရာထူး နောက်ဆုံး တိုင်းပြည်အုပ်ချုပ်မင်းလုပ်ခွင့်ပေးပါမည် မိမိက ကျွန်အဖြစ်တစ်သက်လုံးနေပါမည် သူတော်ကောင်းတရားဟောကြားလှည့်ပါဟု ဖိတ်ခေါ်သော်လည်း သူတော်ကောင်းတရားနာယူလိုသော ဆန္ဒမပြည့်ဝခဲ့ပေ။ ဘုရားလောင်း ဓမ္မသောဏ္ဍကမင်းကြီး သူ၏ဆန္ဒပြည့်ဝဖို့အတွက် တိုင်းပြည်ကိုမင်းမှုထမ်းများ အပ်နှံ၍ တိုင်းပြည်အနှံ မြို့ရွာ ဇနပုဒ်ပါမကျန် ရှာဖွေမရပဲ တောကြီးထဲဝင်ပြီး သူတော်ကောင်းတရားရှာဖွေခဲ့လေသည်။

     ထိုအခါ ဘုရားလောင်း ဓမ္မသောဏ္ဍကမင်းကြီး၏ သူတော်ကောင်းတရားနာယူလိုသော ဆန္ဒအာသီသအာနုဘော်ကြောင့် တာဝတိံသာနတ်ပြည်ရှိ သိကြားမင်းသည် "ဇမ္ဗူဒိတ်တစ်ကျွန်းလုံး လိုက်ရှာသော်လည်း သူတော်ကောင်တရား ရှာဖွေတွေ့ရှိမည် မဟုတ်သော ဓမ္မသောဏ္ဍကမင်းကြီးကို ကူညီပေးလို၍" မိမိ၏ သိကြားမင်းအသွင်ပယ်ဖျောက် ကြောက်စရာကောင်းသော ဘီလူးအသွင်ယူကာ ဓမ္မသောဏ္ဍကမင်းကြီးနှင့် သွားတွေ့လေသည်။ ဘုရားလောင်း ဓမ္မသောဏ္ဍကမင်းကြီးသည် တောကြီးအတွင်း ဘီလူးနှင့်တွေ့သော်

     "အို ဘီလူး သင်သူတော်ကောင်းတရား သိလျှင် ဟောကြားပါလော့ နာယူလိုပါသည်ဟု တောင်းပန်သည်"
ဘီလူးက
     "အိုမင်းကြီး ငါသည် အစာအာဟာရပျက်လက်နေ၍ ရှာလောင်မွတ်သိပ်နေပါ၏ သင်မင်းကြီးကိုလည်း ကူညီလိုပါ၏ သင်မင်းကြီး အကယ်၍ သူတော်ကောင်းတရားနားယူလိုပါလျှင် ဤသုံးဂါဝုတ်မြင့်သောတောင်ပေါ်မှ ကျွန်ုပ်၏ ခံတွင်းသို့ ခုန်ချပါလော့၊ သင်မင်းကြီး ခုန်ချစဉ်မှာပင် ကျွန်ုပ်သည် ပွင့်တော်မူပြီးသော ဘုရားရှင်များ၏ သူတော်ကောင်းတရားများကို ဟောကြားပေးပါအံ့၊ ဤသို့ပြုလျှင် သင်မင်းကြီးလည်း သူတော်ကောင်းတရားနာရအံ့၊ကျွန်ုပ်လည်း အစာစားရအံ့"
ဟုပြောကြားလေ၏။ ဘုရားလောင်း ဓမ္မသောဏ္ဍကမင်းကြီးသည် သူတော်ကောင်းတရားနာကြားရမည်ဟု ၀မ်းမြောက်ဝမ်းသာဖြစ်လျှက် တုန်လှုပ်သော စိတ်မရှိပဲ ဓမ္မအတွက် အသက်စွန့်ကာ တောင်ပေါ်မှ ဘီလူး၏ခံတွင်းသို့ ခုန်ချလေ၏။ ထိုအခါမှ ဘီလူးယောင်ဖန်တင်းထားသော သိကြားမင်းသည် ဘီလူးအသွင်မှ နတ်အသွင် ပြန်လည်ဖန်ဆင်း၍ ဘုရားလောင်း ဓမ္မသောဏ္ဍကမင်းကြီးကို လက်နှစ်ဖက်ဖြင့် ဆီးကြိုခံယူကာ ပန်း,နံ့သာတို့ဖြင့် ပူဇော်ပြီး ပွင့်တော်မူပြီးခဲ့သော ဘုရားရှင်များ၏ေ သနာတော်များမှ

   "အနိစ္စာ ၀တ သင်္ခါရာ၊ ဥပ္ပါဒ ၀ယ ဓမ္ပိနော။
     ဥပ္ပဇ္ဇိတွာ နိရုဇ္ဈန္တိ၊ တေသံ ၀ူပသမော သုခေါ။"
ဟူသော တရားဒေသနာ သူတော်ကောင်းတရားကို ဟောကြားပေးခဲ့လေသည်။ ထိုအခါမှ ဘုရားလောင်း ဓမ္မသောဏ္ဍကမင်းကြီးလည်း ၀မ်းမြောက်ဝမ်းသာစွာဖြင့် သူတော်ကောင်းတရားများကို နှလုံးသွင်း၍ မိမိတိုင်းပြည်သို့ပြန်ကာ မင်းကျင့်တရားနှင့်အညီ တိုင်းပြည်ကို ဆက်လက်စီမံအုပ်ချုပ်ခဲ့လေသည်။

   ဤဇာတ်တော်တွင် တရားပိုင်ရှင်ဖြစ်လာမည့် ဘုရားလောင်း ဓမ္မသောဏ္ဍကမင်းကြီးသည် သူတော်ကောင်းတရား ရှာမှီးဖို့အရေး,သူတော်ကောင်းတရားနာကြားရဖို့အရေးအတွက် အသက်ပင်စွန့်ပြီး ရှာခဲ့ရ နာကြားခဲ့ရပါသည်။ စာရေးသူတို့ မြန်မာနိုင်ငံတွင် ရှိနေပြီးသော ဘုရားရှင်၏ ဒေသနာတော်များ ဘာသာရေးအနှစ်သာရ သူတော်ကောင်းတရားများကို ထိန်းသိမ်းကာကွယ်စောင့်ရှောက်နေကြသော ဆရာတော်သံဃာတော်များနှင့် သူတော်ကောင်းတရားကို နာကြားလိုသော ဒကာ,ဒကာမများသည် မြန်မာနိုင်ငံ အမျိုး,ဘာသာ,သာသနာတော်အတွက် ဆရာ,ဒကာညီညွတ်စွာဖြင့် မေတ္တာ ကရုဏာ၊ မုဒိတာစသော ဗြဟ္မစိုရ်တရားများကို လက်ကိုင်ထားပြီး မိမိတို့၏ အရည်အသွေး " စံ "တစ်ခုအဖြစ် မှတ်ယူပြီး လိုက်နာကျင့်သုံးဖို့ လိုအပ်ပါသည်။

     နိဂုံးချုပ်ဆိုရသော် သူတော်ကောင်းတရား ထွန်းကားသော တိုင်းပြည်တွင် သူတော်ကောင်း အရိပ်အငွေ့များကိုသာ မြင်တွေ့လိုပါသည်။ သူတော်ကောင်းတို့ စိတ်နှလုံးကို မချမ်းမြေ့စေသော၊ သူတော်ကောင်းတို့ နှလုံးသားကို နာကျင်ကြေကွဲစေသော အပြုအမူ၊ အပြောအဆိုများကို မမြင်တွေ့လိုတော့ပါ။ မြန်မာတိုင်းရင်းသာ ဗုဒ္ဓဘာသာဝင်တို့သည် ဆိုးရွားခဲ့တဲ့ အတိတ်ကို အတိတ်မှာပဲ ထားခဲ့ချင်ပါသည်။ ပြန်တွေးမိတိုင်း ပြည်သူတို့၏ နှလုံးသားကို တမြေ့မြေ့ နာကျင်လောင်ကြွမ်းစေသော ဒဏ်ရာများကို မဖန်တီးကြပါနှင့်ဟု ဆရာ၊ ဒကာများနှင့် အစိုးရမင်း ပြည်သူများအား တိုက်တွင်းလိုက်ပါတော့သည်။
   "သူတော်ကောင်းတရား နေရာတိုင်း၊ လူတိုင်းမှာ ထွန်းတောက်ပါစေ။"

ကလောင်အမည်
လွတ်လပ်မောင်(စလင်း)
"သီတဂူ ကမ္ဘာ့ဗုဒ္ဓတက္ကသိုလ်
(2013)နှစ်ပါတ်လည်မဂ္ဂဇင်းတွင် ဖော်ပြပြီး"
"စာရေးသူ၏ ပထမဆုံးသော ဘာသာရေးဆောင်းပါး 2013"

Posted by -
Ashin Kavinda
Alinnthit Library (16-6-16)

" ဒါန အမျိုးမျိုး "

  အလှူဒါနသည် အမျိုးအစားအားဖြင့် များပြားစွာရှိရာ အဓိကအားဖြင့် သုတ္တန်ဒေသနာနည်းအရ ဒါန၊ ၀ိနည်းဒေသနာနည်းအရ ဒါန၊ အဘိဓမ္မာဒေသနာနည်းအရ ဒါနဟူ၍ သုံးမျိုးရှိသည်။

သုတ္တန်ဒေသနာနည်းအရ ဒါနမှာ ဆယ်မျိုးရှိသည်။ ၎င်းတို့မှာ -

(၁) အန္နဒါန = ဆွမ်း ထမင်း အစားအစာအလှူ၊

(၂) ပါနဒါန = သောက်ရေ အဖျော်ယမကာအလှူ၊

(၃) ၀တ္ထဒါန = အ၀တ် အထည် သင်္ကန်းစသည်အလှူ၊

(၄) ယာနဒါန = ဖိနပ်စသော ယာဉ်အလှူ၊

(၅) ဂန္ဓဒါန = နံ့သာခဲ နံ့သာတုံး အမွှေးတိုင်အမျိုးမျိုးအလှူ၊

(၆) မာလာဒါန = ပန်းမျိုးစုံအလှူ၊

(၇) ၀ိလေပနဒါန = နံ့သာပျောင်း နံ့သာအရည်အမျိုးမျိုးအလှူ၊

(၈) သေယျာဒါန = ညောင်စောင်း အင်ပျဉ် အိပ်ရာ နေရာ အမျိုးမျိုးအလှူ၊

(၉) အာဝါသဒါန = ကျောင်း ဇရပ် သိမ် ဓမ္မာရုံစသည် အမျိုးမျိုးအလှူ၊

(၁၀) ပဒီပေယျဒါန = ဆီမီးစသည်အမျိုးမျိုးအလှူ

တို့ဖြစ်ကြသည်။

ဝိနည်းဒေသနာနည်းအရ ဒါနမှာ လေးမျိုးရှိသည်။ ၎င်းတို့မှာ -

(၁) စိဝရဒါန = သင်္ကန်းအလှူ၊

(၂) ပိဏ္ဍပါတဒါန = ဆွမ်းဘောဇဉ်အလှူ၊

(၃) သေနာသနဒါန = ကျောင်း အိပ်ရာ နေရာအလှူ၊

(၄) ဘေသဇ္ဇဒါန = ဆေးပစ္စည်းအမျိုးမျိုးအလှူ

တို့ဖြစ်ကြသည်။

အဘိဓမ္မာဒေသနာနည်းအရ ဒါနမှာ ခြောက်မျိုးရှိသည်။ ၎င်းတို့မှာ -

(၁) ရူပဒါန = အဆင်းအမျိုးမျိုး ရူပါရုံအလှူ၊

(၂) သဒ္ဒဒါန = အသံအမျိုးမျိုး သဒ္ဒါရုံအလှူ၊

(၃) ဂန္ဓဒါန = အနံ့အမျိုးမျိုး ဂန္ဓာရုံအလှူ၊

(၄) ရသဒါန = စားဖွယ် သောက်ဖွယ် အမျိုးမျိုးရသာရုံအလှူ၊

(၅) ဖောဋ္ဌဗ္ဗဒါန = သင်္ကန်းကျောင်းစသော အထိအတွေ့အမျိုးမျိုး ဖောဋ္ဌဗ္ဗာရုံအလှူ၊

(၆) ဓမ္မဒါန = တရားဟောပြောခြင်း၊ သင်ကြားပို့ချခြင်းစသော အသိဉာဏ်အမျိုးမျိုးပေးသည် ဓမ္မာရုံအလှူ

တို့ ဖြစ်ကြသည်။

သုတ္တန်ဒေသနာနည်းလာ ဒါနမှာ အလှူခံပုဂ္ဂိုလ်ကို ရွေးချယ်မူ မရှိဘဲ သာမန်အားဖြင့် ဟောကြားတော် မူခဲ့သည်။ ၀ိနည်းဒေသနာနည်းလာ ဒါနမှာ သီလ၀န္တပုဂ္ဂိုလ်အားသာ ရွေးချယ်လှူ၍ ဟောကြားတော်မူခဲ့သဖြင့် သုတ္တန်နည်းလာ ဒါနထက် ပို၍ အကျိုးကြီးမားသည်။ အဘိဓမ္မာနည်းလာ ဒါနမှာ အာရုံခြောက်ပါး၌ ပညတ်အားဖြင့် နှလုံးမသွင်းဘဲ ပရမတ်အားဖြင့်သာ နှလုံးသွင်းလှူဒါန်းရသဖြင့် လွန်ကဲမွန်မြတ်သောဒါနဖြစ်၍ သုတ္တန်ဝိနည်းလာ ဒါနတို့ထက် အကျိုးကြီး၏။

သို့သော်လည်း အလှူခံပုဂ္ဂိုလ်၊ လှူဖွယ်ဝတ္ထု၊ စေတနာ၊ ဤသုံးဖြာ စင်ကြယ်ပြည့်စုံလျှင် မည်သည်ဒါနမမဆို ကြီးမားသော အကျိုးကို ပေးစွမ်းနိုင်၏။

ဒါနသည် အလှူရှင်၊ အလှူခံ၊ လှူဖွယ်ဝတ္ထု၊ လှူပုံအခြင်းအရာ၊ လှူဒါန်းသည့်အချိန်အခါ၊ လှူကြောင်း စေတနာစသည်ကို အကြောင်းပြု၍ ၂-ပါးတွဲ၊ ၃-ပါးတွဲ စသည်ဖြင့် ပိဋကတ်တော်တို့၌ လာရှိသည်။

၂-ပါးတွဲဒါနများ

ဆွမ်းသင်္ကန်းကျောင်း ဆေးအားဖြင့် ပစ္စည်းလေးပါးကို ပေးလှူခြင်းသည် အာမိသဒါန ဖြစ်၏။ ဘုရားဟောတရားတော်ကို သူတပါးတို့အား ဟောပြောပြသ ဆုံးမခြင်း၊ စာပေးရေးသားထုတ်ဝေခြင်း၊ သင်ကြားပို့ချပေးခြင်း စသည်တို့သည် ဓမ္မဒါန ဖြစ်၏။ တရားတော်ကို ပေးလှူခြင်းသည် မသေရာမှန် အမြိုက်နိဗ္ဗာန်ကို ပေးလှူသည်နှင့် တူ၏၊ ဒါနအားလုံးထက် ဓမ္မဒါနက သာလွန်မွန်မြတ်၏။

လှူဖွယ်ဝတ္ထုနှင့် အလှူခံပုဂ္ဂိုလ်တို့ကို ကောင်းဆိုးယုတ်မြတ်ရွေးချယ်၍ လှူဒါန်းမူသည် ၀ိစိတဒါနမည်၏။ အမျိုးဘာသာ သာသနာတော်အတွက် အမှန်တကယ် လိုအပ်သော ပညာရေး ကျန်းမာရေး လူမူရေးစသော ကိစ္စရပ်များကိုလည်း ရွေးချယ်၍ လှူဒါန်းသင့်သည်။ ရွေးချယ်စိစစ်၍ လှူဒါန်းခြင်းကိုသာ ဘုရားရှင်တို့ ချီးမွမ်းတော်မူကြ၏။ ထိုကဲ့သို့ ရွေးချယ်မူမရှိဘဲ သာမန်လှူဒါန်ခြင်းသည် အ၀ိစိနနဒါနမည်၏။

ဝဋ်ဆင်းရဲဖြစ်သော လောကီစည်းစိမ်ချမ်းသာကို တောင့်တ၍ လှူအပ်သော အလှူသည် ၀ဋ္ဋနိဿိတဒါန မည်၏။ ထိုဆင်းရဲကင်းရာနိဗ္ဗာန်ကို တောင့်တ၍ လှူအပ်သော အလှူသည် ၀ိဝဋ္ဋနိဿိတဒါနမည်၏။

သားငါး ကြက်ဝက်များကို သတ်ဖြတ်၍ ကျွေးမွေးလှူဒါန်းသော ဒါနသည် အပြစ်နှင့်တကွ ဖြစ်သောကြောင့် သာဝဇ္ဖဒါနမည်၏။ သတ္တ၀ါများ၏ အသက်ကို မသတ်မူ၍ ကိုယ်တိုင်သတ်ဖြတ်မူ ကင်းရှင်းသော ဒါနမျိုးသည် အပြစ်မရှိသောကြောင့် အန၀ဇ္ဖဒါနမည်၏။ အကုသိုလ်ကင်းသောဒါန၊ အပြစ်မရှိသောကြောင့် အန၀ဇ္ဖဒါနမည်၏။ အကုသိုလ်ကင်းသောဒါန၊ အကုသိုလ်မကင်းသောဒါန တို့ကို ဆိုလိုသည်။

ကိုယ်တိုင်ကိုယ်ကျ ပြုလုပ်လှူဒါန်းအပ်သော ဒါနသည် သာဟတ္ထိကဒါန မည်၏။ သူတပါးကို စေခိုင်း၍ လှူဒါန်းအပ်သောဒါနသည် အာဏတ္တိကဒါန မည်၏။

ယုံကြည်မူသဒ္ဓါတရားဖြင့် လှူဖွယ်ဝတ္ထုကို ကောင်းကောင်းမွန်မွန် ပြုပြင်စီရင်၍ အလှူခံပုဂ္ဂိုလ်ကို ရိုသေလေးစားစွား ပေးလှူခြင်းသည် သက္ကစ္စဒါနမည်၏။ ယုံကြည်မူမရှိဘဲ လှူဖွယ်ဝတ္ထုကိုလည်း မပြုမပြင်၊ အလှူခံပုဂ္ဂိုလ်ကိုလည်း မရိုမသေမလေးစားဘဲ ပေးလှူခြင်းသည် အသက္ကစ္စဒါနမည်၏။

လှူဒါန်းရာ၌ ကံ ကံ၏အကျိုးစသည်တို့ကို သိမြင်၍ လှူဒါန်းခြင်းသည် ဉာဏ်နှင့် ယှဉ်သည့်အတွက် ဉာဏသမ္ပယုတ္တဒါန မည်၏။ ကံ ကံ၏အကျိုး စသည်တို့ကို မသိမမြင်ဘဲ လှူဒါန်းမူသည် ဉာဏ်နှင့်မယှဉ် သောကြောင့် ဉာဏ၀ိပ္ပယုတ္တဒါနမည်၏။

သူတပါး တိုက်တွန်းနိူးဆော်၍ ပြုလုပ်အပ်သော ဒါနသည် သသင်္ခါရိက ဒါနမည်၏။ မိမိ၏ ပင်ကိုစေတနာ သဒ္ဒါတရားဖြင့် ထက်သန်စွာ လှူဒါန်းအပ်သောဒါနသည် အသင်္ခါရဒါနမည်၏။

ကျောင်း သင်္ကန်း ဆွမ်း ဆေး စသော ၀တ္ထုပစ္စည်းများကို လှူဒါန်းခြင်းသည် ၀တ္ထုဒါနမည်၏။ သတ္တ၀ါဟူသမျှတို့ကို ကယ်ဆယ်သောအားဖြင့် ဘေးမဲ့ပေးခြင်းသည် အဘယဒါနမည်၏။

အမြဲတည်နေမည့် ဘုရား တန်ဆောင် ကျောင်း ဇရပ် ရေတွင်း ရေကန် လမ်းတံတား စသည်တို့ကို ဆောက်လုပ်လှူဒါန်းခြင်းသည် ထာဝရဒါန မည်၏။ ခေတ္တခဏမျှသာ သုံးဆောင်ရသော ဆွမ်း သင်္ကန်း စသည့်ပစ္စည်းများကို လှူဒါန်းခြင်းသည် အထာဝရဒါနမည်၏။

နေ့စဉ်ဘုရားရှိခိုးခြင်း၊ ဆွမ်း ရေချမ်း ပန်း ဆီမီး ကပ်လှူခြင်း၊ ဆွမ်းလောင်းခြင်း စသည်ဖြင့် အမြဲမပြတ် အာစိဏ္ဏကံဝတ်ထား၍ ပြုလုပ်အပ်သောဒါနသည် နိဗဒ္ဓဒါနမည်၏။ နေ့စဉ်မဟုတ်ဘဲ တတ်နိုင်သည့် အခါမှသာ ပြုလုပ်အပ်သော ဒါနသည် အနိဗဒ္ဓဒါန မည်၏။

ဝါဆိုသင်္ကန်းကို လှူခြင်း၊ ကထိန်သင်္ကန်းကို လှူခြင်း၊ မကျန်းမာသောသူ၊ ဧည့်သည်၊ ခရီးသွားစသည်တို့အား အချိန်အခါနှင့် ကိုက်ညီအောင် ထိုက်သင့်ရာကို စီမံလှူဒါန်းခြင်းသည် ကာလဒါနမည်၏။ အချိန်အခါကို မရွေးချယ်ဘဲ တိုက်ဆိုင်သည်ဖြစ်စေ၊ မတိုက်ဆိုင်သည်ဖြစ်စေ လှူလိုသောအခါ၌ စီမ့လှူဒါန်းခြင်းသည် အကာလဒါနမည်၏။

အကြွင်းအကျန် အညံ့အဖျင်းမဟုတ် အဦးအဖျား အမွန်အမြတ်ဖြစ်သောပစ္စည်းကို လှူဒါန်းခြင်းသည် အနုစ္ဆိဋ္ဌိဒါန(အဂ္ဂဒါန) မည်၏။

ပုဂ္ဂိုလ်ကို သီးခြားသတ်မှတ်ပိုင်းခြား၍ လှူဒါန်းခြင်းကို ပုဂ္ဂလိက ဒါနမည်၏။ အများသံဃာကို ရည်ရွယ်သတ်မှတ်၍ လှူဒါန်းခြင်းသည် သံဃိကဒါနမည်၏။ သံဃာဟူသည် မြတ်စွာဘုရား၏ တပည့်သားတော်ပုဂ္ဂိုလ်အပေါင်းကို ခေါ်သည်။ အရိယာပုဂ္ဂိုလ်ဟူသမျှလည်း ပါဝင်သည်။ မည်သည့်ပုဂ္ဂိုလ်ကိုမျှ အာရုံမထားဘဲ သံဃာအများ အစိုအပေါင်းကိုသာ အာရုံထား၍ လှူဒါန်းမှ သံဃိကဒါန မြောက်သည်။

၃-ပါးတွဲဒါနများ

ဒါနပြုလုပ်ရာ၌ ဆန္ဒစသော အဓိပတိတရားလေးပါးတို့ အားပျော့ယုတ်ညံ့လျက် လှူဒါန်းခြင်း၊ လူချမ်းသာ နတ်ချမ်းသာများကို တောင့်တရည်စူး၍ လှူဒါန်းခြင်းသည် ဟီနဒါနမည်၏။

အဓိပတိတရားလေးပါးတို့ အလတ်စားဖြစ်လျက် လှူဒါန်းခြင်း၊ သာဝကဗောဓိ၊ ပစ္စေကဗောဓိဉာဏ်ကို တောင့်တ၍ လှူဒါန်းခြင်းသည် မဇ္ဈိမဒါန မည်၏။

အဓိပတိတရားလေးပါးတို့ အမြတ်စားဖြစ်လျှက် လှူဒါန်းခြင်း၊ သမ္မာသမ္ဗောဓိ(သဗ္ဗညုတ)ဉာဏ်ကို ရည်သန်တောင့်တ၍ လှူဒါန်းခြင်းသည် ပဏီတဒါနမည်၏။

လောက၌ မိမိကိုယ်တိုင် ကောင်းမွန်သည်တို့ကို သုံးဆောင်၍ အောက်လက်ငယ်သားများအား ယုတ်ညံ့သော ပစ္စည်းတို့ကို ပေးကမ်းသကဲ့သို့ အလှူခံပုဂ္ဂိုလ်တို့အား မိမိသုံးစွဲသော ပစ္စည်းထက်ယုတ်ညံ့သောပစ္စည်းကို လှူဒါန်းခြင်းသည် ဒါနဒါသမည်၏။

မိမိအသုံးဆောင်နှင့် ဆိုးကောင်းယုတ်မြတ်တူညီသော စ္စည်းကို ပေးလှူခြင်းသည် ဒါနသဟာယမည်၏။

မိမိသုံးဆောင်သည်ထက် ပိုမို ကောင်းမွန်သောပစ္စည်းကို ပေးလှူခြင်းသည် ဒါနပတိ၊ ဒါနဇေဋ္ဌက၊ ဒါနသာမိမည်၏။

၎-ပါးတွဲဒါနများ

စီဝရဒါန = အ၀တသင်္ကန်းလှူဒါန်းခြင်း၊

ပိဏ္ဍပါတဒါန = ဆွမ်းခဲဖွယ်ဘောဇဉ်လှူဒါန်းခြင်း၊

သေနာသနဒါန = ကျောင်းအိပ်ရာနေရာလှူးဒါန်းခြင်း၊

ဘေသဇ္ဇဒါန = ဆေးပစ္စည်းလှူဒါန်းခြင်း။

၅-ပါးတွဲဒါနများ

ကာလဒါန(၅)ပါး

ဧည့်သည် အာဂန္တုအား လှူဒါန်းခြင်း

ခရီးသွား ပုဂ္ဂိုလ်များအား လှူဒါန်းခြင်း

မကျန်းမာသော ပုဂ္ဂိုလ်အား လှူဒါန်းခြင်း၊

ငတ်မွတ်ခေါင်းပါးသောအခါ၌ လှူဒါန်းခြင်း၊

မိမိလုပ်ကိုင်သော ကောက်ဦး သစ်သီးဦးတို့ကို သီလ၀န္တရဟန်းတော်တို့အား ဦးဦးဖျားဖျား လှူဒါန်းခြင်း။

မဟာဒါန(၅)ပါး
=========

ငါးပါးသီလကိုပင် မဟာဒါနကြီးငါးပါးဟူ၍ ခေါ်သည်။ ပါဏာတိပါတ သိက္ခာပုဒ်ကို ဆောက်တည်၍ သီလနှင့် ပြည့်စုံလျှင် ထိုသူသည် သတ္တ၀ါတို့ကို သတ်ဖြတ်ခြင်းအမူ မပြုလုပ်တော့သဖြင့် အဘယဒါန = သတ္တ၀ါတို့အား ဘေးကင်းစေခြင်း အမူကို ပြုသည်မည်၏။ ဤနည်းအတူ ငါးပါးသီလကို စောင့်ထိန်းသဖြင့် သတ္တ၀ါတို့အား ဘေးကင်းစေခြင်းအမူကို ပေးလျှင် သီလအရင်းခံရှိသော ဒါနကိစ္စပါဝင် ပြီးစီးသွားသောကြောင့် သီလငါးပါးကိုပင် မဟာဒါနငါးပါးဟု ခေါ်သည်။

"""နှစ်ဘက်မိဘများအမှုးထား၍
ကိုဝင်းဇော်အေး+မနွယ်နွယ်ထွန်း
မိသားစုတို့၏ ယာနဒါန မော်တော်ယဉ်အလှူအား
ဝမ်းမြောက်နုမော် သာဓုခေါ်လျှက်
ဂုဏ်ပြုအပ်ပါသည်"""

"""မြေနုရွာ ကရုဏာမြေ နာရေးကူညီမှုအသင်းသို့
လူနာတင်ယာဉ် လှူဒါန်းပေးပါသော
ကောင်းမှုကုသိုလ်ရှင်များအား
ဝမ်းမြောက်နုမော် သာဓုခေါ်လျှက်
ဂုဏ်ပြုအပ်ပါသည်"""

မှတ်ချက်-
ဤ post ကို Online Internet မှ
ရှာဖွေရေးသားဂုပြုထားပါသည်ဟု
ဝန်ခံအပ်ပါသည်။

Posted by -
Ashin Kavinda
"အလင်းသစ် စာကြည့်တိုက် မြေနုရွာ"